Poem

ਸਰਬੰਸਦਾਨੀ , ਰੂਹੀ ਸਿੰਘ

January 12, 2019 02:00 AM
 ਸਰਬੰਸਦਾਨੀ
                            **************
 
                                             ~     ਰੂਹੀ ਸਿੰਘ
 
             ਧੰਨ ਕਲਗੀਧਰ ਸਰਬੰਸਦਾਨੀ
             ਕਿਧਰੇ ਨਹੀਂ ਕੋਈ ਤੇਰਾ ਸਾਨੀ।
 
              ਯੁੱਧ ਲੜੇ ਤੂੰ, ਕੌਮ ਦੀ ਖਾਤਰ
              ਧਰਤ ਨਾ ਮੱਲੀ, ਕਿਣਕਾ ਮਾਤਰ
              ਤੂੰ ਹੀ ਤੂੰ ਹੈਂ, ਮਹਾਂ ਸੈਨਾਨੀ।...
 
              ਪਿਤਾ ਵਾਰਿਆ, ਬਚ ਗਏ ਹਿੰਦੂ
              ਬਚ ਗਈ ਧੋਤੀ, ਤਿਲਕ ਤੇ ਜੰਞੂ 
              ਗੁਣ ਤੇਰੇ ਸਭ, ਹੈਨ ਰਬਾਨੀ।...
 
              ਪੁੱਤ ਚਾਰੇ ਤੂੰ, ਦੇਸ਼ ਤੋਂ ਵਾਰੇ
              ਜਾਵਾਂ ਮੈਂ, ਤੈਥੋਂ ਬਲਿਹਾਰੇ 
              ਕੀ ਆਖਾਂ, ਲਿਖ ਸਕੇ ਨਾ ਕਾਨੀ।...
 
              ਮਜ਼ਲੂਮਾਂ ਨੂੰ, ਉੱਚਾ ਕੀਤਾ 
              ਖੰਡੇ ਦਾ, ਜਿਨ੍ਹਾਂ ਅੰਮਿ੍ਤ ਪੀਤਾ
              ਤਾਰ ਮੈਨੂੰ ਵੀ, ਦਿਲਬਰ ਜਾਨੀ।...
 
              ਖਾਲਸਾ ਸਾਜਿਆ, ਪੰਜ ਕਕਾਰੀ
              ਸਵਾ ਲੱਖ ਤੇ, ਇੱਕੋ ਭਾਰੀ 
              ਕੌਮ ਨੂੰ ਦਿੱਤੀ, ਅਜਬ ਨਿਸ਼ਾਨੀ।...
 
              ਭਗਤੀ ਸ਼ਕਤੀ, 'ਕੱਠੀ ਕੀਤੀ
              ਪ੍ਰਭੂ ਮਿਲਣ ਦੀ, ਦੱਸੀ ਨੀਤੀ
              ਧੰਨ ਹੈ ਧੰਨ, ਤੇਰੀ ਕੁਰਬਾਨੀ।...
 
              ਅਖਵਾਉਂਦੇ ਸਨ, ਜੋ ਰੰਗਰੇਟੇ 
              ਬਣ ਕੇ ਤੇਰੇ, ਸੱਚੇ ਬੇਟੇ 
              ਕੰਮ ਤੇਰੇ, ਸਾਰੇ ਲਾਸਾਨੀ।... 
 
              ਮੈਨੂੰ ਦੇ, ਕੁਝ ਐਸੀ ਸ਼ਕਤੀ 
              ਮਿਟ 'ਜੇ ਹਉਮੈ, ਮਿਲ 'ਜੇ ਮੁਕਤੀ 
              ਕੋਈ ਕੰਮ ਤਾਂ, ਆਏ ਜਵਾਨੀ।...
  
               ਮੈਨੂੰ ਜੀਵਨ- ਜਾਚ ਸਿਖਾ ਦੇ 
               ਭਟਕੇ ਨੂੰ, ਸਿੱਧੇ ਰਾਹ ਪਾ ਦੇ
               ਛੱਡ ਦੇਵਾਂ ਮੈਂ, ਚਾਲ ਸ਼ੈਤਾਨੀ।...
 
               ਗਿੱਦੜਾਂ ਨੂੰ, ਸਰਦਾਰ ਬਣਾਇਆ 
               ਦੇਸ਼ ਦਾ ਪਹਿਰੇਦਾਰ ਬਣਾਇਆ
               ਤਰ ਤੇਰਾ, ਸਿਰਮੌਰ ਰੂਹਾਨੀ।...
 
               ਨਿੱਕੀ ਜਿਹੀ, ਮੈਂ ਬੱਚੀ ਦਾਤਾ 
               ਅਕਲੋਂ ਵੀ ਕੁਝ, ਕੱਚੀ ਦਾਤਾ 
               ਬਖ਼ਸ਼ੀਂ ਭੁੱਲ, ਬਖਸ਼ੀਂ ਨਾਦਾਨੀ।...
 
                ਧੰਨ ਕਲਗੀਧਰ ਸਰਬੰਸਦਾਨੀ
                ਕਿਧਰੇ ਨਹੀਂ ਕੋਈ ਤੇਰਾ ਸਾਨੀ।
================================= 
 
 
 # ਬੀ.ਏ. (ਆਨਰਜ਼ ਸਕੂਲ ਇਨ ਇੰਗਲਿਸ਼),
 ਅਕਾਲ ਯੂਨੀਵਰਸਿਟੀ, ਤਲਵੰਡੀ ਸਾਬੋ-151302 (ਬਠਿੰਡਾ) 
          8427092318.
Have something to say? Post your comment