News

ਪੁੱਤਰਾਂ ਨਾਲੋਂ ਘੱਟ ਨਹੀਂ ਕੁੜੀਆਂ,

January 13, 2019 12:16 AM

ਪੁੱਤਰਾਂ ਨਾਲੋਂ ਘੱਟ ਨਹੀਂ ਕੁੜੀਆਂ,
ਦੋਨਾਂ ਨਾਲ ਹੀ ਖੁਸ਼ੀਆਂ ਜੁੜੀਆਂ।।

ਰੇਡੀਓ 'ਸਾਡੇ ਆਲਾ' ਨੇ ਆਪਣੇ ਸਟੂਡੀਓ 'ਚ ਮਨਾਈ 'ਧੀਆਂ ਦੀ ਲੋਹੜੀ'-ਮਘੀ ਸ਼ਗਨਾਂ ਦੀ ਧੂਣੀ

 

ਔਕਲੈਂਡ 12 ਜਨਵਰੀ  (ਹਰਜਿੰਦਰ ਸਿੰਘ ਬਸਿਆਲਾ)-ਰੇਡੀਓ 'ਸਾਡੇ ਆਲਾ' ਨੇ ਉਟਾਹੂਹੂ ਸਥਿਤ ਆਪਣੇ ਨਵਉਸਰੇ ਸਟੂਡੀਓ ਦੇ ਵਿਚ ਪਹਿਲੀ ਵਾਰ 'ਧੀਆਂ ਦੀ ਲੋਹੜੀ' ਮਨਾ ਕੇ ਇਹ ਸੰਦੇਸ਼ ਦਿੱਤਾ ਕਿ 'ਪੁੱਤਰਾਂ ਨਾਲੋਂ ਘੱਟ ਨਹੀਂ ਕੁੜੀਆਂ, ਦੋਨਾਂ ਨਾਲ ਹੀ ਖੁਸ਼ੀਆਂ ਜੁੜੀਆਂ'। ਰੇਡੀਓ ਪੇਸ਼ਕਾਰ ਸ. ਸ਼ਰਨਜੀਤ ਸਿੰਘ, ਸ. ਗੁਰਪ੍ਰੀਤ ਸਿੰਘ, ਮੈਡਮ ਬਾਰਵੀ ਅਤੇ ਗਗਨ ਨੇ ਪਿਛਲੇ ਕੁਝ ਦਿਨਾਂ ਤੋਂ ਇਕ ਰੇਡੀਓ ਮੁਹਿੰਮ ਚਲਾ ਕੇ ਲੋਹੜੀ ਮਨਾਉਣ ਦਾ ਸੱਦਾ ਦਿੱਤਾ ਸੀ। 100 ਤੋਂ ਉਪਰ ਨਵ ਜੰਮੇ ਬੱਚਿਆਂ ਦੇ ਮਾਪਿਆਂ ਨੇ ਆਪਣੀਆਂ ਧੀਆਂ ਦੇ ਜਨਮ ਦੀ ਖੁਸ਼ੀ ਪ੍ਰਗਟ ਕੀਤੀ। ਮਿੱਥੇ ਪ੍ਰੋਗਰਾਮ ਅਨੁਸਾਰ ਨਵ ਜੰਮੀਆਂ ਬੱਚੀਆਂ ਅਤੇ ਸਭ ਤੋਂ ਘੱਟ ਉਮਰ ਵਾਲੀਆਂ ਕੁੱਲ 15 ਦੇ ਕਰੀਬ ਬੱਚੀਆਂ ਨੂੰ ਚੁਣਿਆ ਗਿਆ। ਅੱਜ ਦੁਪਹਿਰ 12 ਤੋਂ 2 ਵਜੇ ਤੱਕ ਚੱਲੇ ਇਸ ਪ੍ਰੋਗਰਾਮ ਵਿਚ ਗੀਤ-ਸੰਗੀਤ ਦੇ ਨਾਲ-ਨਾਲ ਰਸਮੀ-ਰੀਤੀ ਰਿਵਾਜ ਵੀ ਕੀਤੇ ਗਏ। ਸਾਰੀਆਂ ਕੁੜੀਆਂ ਨੂੰ ਇੱਕਤਰ ਕਰਕੇ ਸਾਂਝੇ ਰੂਪ ਵਿਚ ਇਕ ਕੇਕ ਕੱਟਿਆ ਗਿਆ, ਮੂੰਗਫਲੀ ਤੇ ਰੇਵੜੀਆਂ ਵੰਡੀਆਂ ਗਈਆਂ ਅਤੇ ਦੁਪਹਿਰ ਦੇ ਖਾਣੇ ਦਾ ਪ੍ਰਬੰਧ ਵੀ ਕੀਤਾ ਗਿਆ। ਬੱਚਿਆਂ ਦੇ ਲਈ ਸੁੰਦਰ ਗਿਫਟ ਪੈਕ ਦੇ ਨਾਲ-ਨਾਲ ਰੇਡੀਓ ਵੱਲੋਂ ਇਕ ਪ੍ਰਸੰਸ਼ਾ ਪੱਤਰ ਵੀ ਬੱਚੇ ਦੀ ਫੋਟੋ ਵਾਲਾ ਨਿਸ਼ਾਨੀ ਵਜੋਂ ਦਿੱਤਾ ਗਿਆ। ਰੇਡੀਓ ਪੇਸ਼ਕਾਰ ਗਗਨ ਅਤੇ ਸ਼ਰਨ ਨੇ ਖੂਬ ਹਾਸਾ-ਠੱਠਾ ਵੀ ਕੀਤਾ। ਬੱਚਿਆਂ ਦੇ ਮਾਪਿਆਂ ਨੇ ਵੀ ਪਹਿਲੀ ਵਾਰ ਅਜਿਹੀ ਲੋਹੜੀ ਸਾਂਝੇ ਰੂਪ ਵਿਚ ਮਨਾਈ। ਬੱਚੀਆਂ ਵਿਚ ਸ਼ਾਮਿਲ ਸਨ ਨਿਗਰੁਣ ਕੌਰ ਗੁਰਾਇਆ, ਅਰਮੀਤ ਕੌਰ ਸਿੱਧੂ, ਕਾਰਿਨਕਾ ਕਟਾਰੀਆ, ਰੀਤ ਕੌਰ ਸਿੱਧੂ ਸਿੱਧਵਾਂ ਖੁਰਦ, ਅਰਨੀਵ ਕੌਰ ਸਿੱਧੂ, ਮਨਵੀਰ ਕੌਰ, ਪਵਨੀਤ ਕੌਰ,ਹਰਸ਼ੀਨ ਕੌਰ, ਅਸੀਸ ਕੌਰ ਦਿਓਲ, ਜਾਯਮੀਨ ਕੌਰ । ਸਭ ਤੋਂ ਛੋਟੀ ਧੀਅ 3 ਮਹੀਨੇ ਦੀ ਸੀ। ਅੰਤ ਦੇ ਵਿਚ ਧੂਣੀ ਦਾ ਸ਼ਗਨ ਵੀ ਕੀਤਾ ਗਿਆ ਅਤੇ ਸੁੰਦਰ-ਮੁੰਦਰੀਏ ਵਾਲੇ ਗੀਤ ਵੀ ਗਾਏ ਗਏ। ਰੇਡੀਓ 'ਸਾਡੇ ਆਲਾ' 87.8 ਐਫ. ਐਮ. ਦਾ ਇਹ ਉਦਮ ਸਲਾਹੁਣਯੋਗ ਸੀ। ਇਸ ਮੌਕੇ ਬੱਚਿਆਂ ਦੇ ਪਰਿਵਾਰਕ ਮੈਂਬਰ ਅਤੇ ਪੰਜਾਬੀ ਮੀਡੀਆ ਹਰਮਨਪ੍ਰੀਤ ਸਿੰਘ, ਤਰਨਦੀਪ ਸਿੰਘ, ਅਵਤਾਰ ਟਹਿਣਾ ਤੇ ਹਰਜਿੰਦਰ ਬਸਿਆਲਾ ਵੀ ਪਹੁੰਚੇ ਹੋਏ ਸਨ।

Have something to say? Post your comment

More News News

ਐਮੀ ਵਿਰਕ ਨੂੰ ਮਿਲਿਆ ਅਜੇ ਦੇਵਗਨ ਦੀ ਆਗਾਮੀ ਬਾਲੀਵੁੱਡ ਫਿਲਮ 'ਚ ਵੱਡਾ ਕਿਰਦਾਰ 13 ਵਾ ਕੁਸ਼ਤੀ ਦੰਗਲ ਪਿੰਡ ਚੀਮਾ ਵਿਖੇ ਫ਼ਿਲਮੀ ਐਕਟਰ ਓਂਕਾਰ ਸਿੰਘ ਦਾ ਕੀਤਾ ਵਿਸ਼ੇਸ ਸਨਮਾਨ ਹੋਲੇ ਮੁਹੱਲੇ ਦੇ ਸਬੰਧ ਵਿਚ 21 ਵਾਂ ਸਾਲਾਨਾ ਲੰਗਰ ਲਗਾਇਆ ਗਿਆ। ਗਾਇਕ ਗਗਨਾ ਸਿੱਧੂ ਦਾ ਨਵਾਂ ਗੀਤ "ਸਟਰਾਇੰਟ ਫੋਰਵਰੜ" ਅੱਜ ਹੋਵੇਗਾ ਰਿਲੀਜ਼- ਗੁਰਬਖਸ ਭੁੱਲਰ ਜਸ ਰਿਕਾਰਡਜ਼ ਅਤੇ ਪ੍ਰੋਡਿਊਸਰ ਜਸਵੀਰਪਾਲ ਸਿੰਘ ਦੀ ਰਹਿਨੁਮਾਈ ਹੇਠ ਰਿਲੀਜ਼ਕਰਨ ਪਟਿਆਲਾ ਦਾ ਟਰੈਕ “ਮਾਫ਼ ਕਰੀ“, ਪ੍ਰਧਾਨ ਮੰਤਰੀ ਨੇ ਆਸਟਰੇਲੀਅਨ ਅੱਤਵਾਦੀ ਦਾ ਨਾਂਅ ਆਪਣੀ ਜ਼ੁਬਾਨ ਤੋਂ ਨਾ ਲੈਣ ਦਾ ਕੀਤਾ ਪ੍ਰਣ ਸ੍ਰ. ਭਗਤ ਸਿੰਘ ਦੇ ਸ਼ਹੀਦੀ ਦਿਵਸ ਨੂੰ ਸਮਰਪਿਤ ਹੋਵੇਗਾ 'ਸ਼ਨੀਵਾਰ ਸ਼੍ਰਮਦਾਨ' ਮਿਸ਼ਨ ਹੋਲੇ ਮਹੱਲੇ ਦੇ ਦੂਸਰੇ ਦਿਨ ਲੱਖਾਂ ਸੰਗਤਾਂ ਗੁਰੂ ਘਰਹੋਈਆਂ ਨਤਮਸਤਕ। ਵਿਭਾਗ ਦੇ ਕੰਮਾਂ ਦੀ ਪ੍ਰਗਤੀ ਦਾ ਜਾਇਜ਼ਾ ਲੈਣ ਲਈ ਅਧਿਕਾਰੀਆਂ ਨਾਲ ਮੀਟਿੰਗ ਸਿੱਖਿਆ ਸੁਧਾਰਾਂ, ਸਮਾਰਟ ਸਕੂਲਾਂ, ਸਿਖਲਾਈ ਵਰਕਸ਼ਾਪਾਂ ਤੇ
-
-
-