Thursday, May 23, 2019
FOLLOW US ON

News

ਜਲੰਧਰ ਦਾ ਆਰ ਜੇ ਗੈਰੀ ਫਿਲਮਾਂ 'ਚ ਕਰਵਾਏਗਾ ਬੱਲੇ-ਬੱਲੇ

March 15, 2019 08:17 PM

ਜਲੰਧਰ ਦਾ ਆਰ ਜੇ ਗੈਰੀ ਫਿਲਮਾਂ 'ਚ ਕਰਵਾਏਗਾ ਬੱਲੇ-ਬੱਲੇ
ਮਨੁੱਖੀ ਜ਼ਿੰਦਗੀ ਨਾਲ ਜੁੜੇ ਕੁਝ ਲੋਕ ਨਾਮ ਬਣਾਉਣ ਤੇ ਰੁਤਬਾ ਹਾਸਿਲ ਕਰਨ ਲਈ ਕਿਸੇ ਵੀ ਖੇਤਰ 'ਚ ਪੂਰੀ ਤਿਆਰੀ ਨਾਲ ਪ੍ਰਵੇਸ਼ ਕਰਦੇ ਹਨ। ਕਲਾ ਦਾ ਖੇਤਰ ਚਾਹੇ ਕੋਈ ਵੀ ਹੋਵੇ, ਉਸ 'ਚ ਪੈਰ ਜਮਾਉਣ ਲਈ ਬੜਾ ਲੰਮਾ ਸੰਘਰਸ਼ ਕਰਨਾ ਪੈਂਦੈ। ਬਹੁਤ ਘੱਟ ਲੋਕ ਹੁੰਦੇ ਹਨ, ਜੋ ਥੋੜੇ ਸਮੇਂ 'ਚ ਹੀ ਆਪਣੀ ਸਖ਼ਤ ਮਿਹਨਤ ਤੇ ਦ੍ਰਿੜ ਇਰਾਦੇ ਸਦਕਾ ਆਪਣੀ ਮੰਜ਼ਿਲ ਦੀਆਂ ਸਿਖ਼ਰਾਂ ਨੂੰ ਛੂਹਦੇ ਹਨ। ਸੋ ਅਜਿਹੀ ਹੀ ਇਕ ਸ਼ਖ਼ਸੀਅਤ ਹੈ ਗੌਰਵ ਮੈਣੀ ਉਰਫ ਗੈਰੀ। 
ਜਲੰਧਰ 'ਚ ਜਨਮੇ ਗੈਰੀ ਦੇ ਪਿਤਾ ਸ੍ਰੀ ਰਵਿੰਦਰ ਕੁਮਾਰ ਤੇ ਬਿਜਲੀ ਵਿਭਾਗ 'ਚ ਨੌਕਰੀ ਕਰਦੇ ਮਾਤਾ ਸ੍ਰੀਮਤੀ ਗੀਤਾ ਨੇ ਵੀ ਆਪਣੇ ਪੁੱਤ ਨੂੰ ਰੱਜਵਾਂ ਪਿਆਰ ਤੇ ਸੰਪੂਰਨ ਸਹਿਯੋਗ ਦਿੱਤਾ। ਗੈਰੀ ਨੇ ਵੀ ਆਪਣੇ ਮਾਪਿਆਂ ਦੀ ਕਦਰ ਦਾ ਮੱਲ ਪਾਇਆ ਤੇ ਇਕ ਸਥਾਪਿਤ ਮੰਚ ਸੰਚਾਲਕ, ਆਰ ਜੇ ਵਜੋਂ ਪਛਾਣ ਬਣਾਉਂਦਿਆਂ ਹੁਣ ਅਦਾਕਾਰੀ 'ਚ ਆਪਣਾ ਪਲੇਠਾ ਕਦਮ ਰੱਖ ਰਿਹੈ। ਗੈਰੀ ਨੇ ਦੱਸਿਆ ਕਿ ਸਕੂਲ ਟਾਈਮ ਤੋਂ ਹੀ ਸਟੇਜਾਂ ਸੰਭਾਲਦਿਆਂ ਉਸ ਨੇ ਆਪਣਾ ਐਂਕਰਿੰਗ ਦਾ ਸਫ਼ਰ ਸ਼ੁਰੂ ਕੀਤਾ ਸੀ। ਉਸ ਨੇ ਹੋਰ ਦੱਸਿਆ ਕਿ 2010 'ਚ ਲੁਧਿਆਣਾ 'ਚ ਹੋਏ ਲਾਈਵ ਈਵੈਂਟ 'ਚ ਪ੍ਰੋਫੈਸ਼ਲਨਲ ਮੰਚ ਸੰਚਾਲਕ ਵਜੋਂ ਆਪਣੇ ਕਰੀਅਰ ਦੀ ਸ਼ੁਰੂਆਤ ਕੀਤੀ ਸੀ। ਉਦੋਂ ਉਸ ਨੂੰ 200 ਰੁਪਏ ਸਨਮਾਨ ਵਜੋਂ ਮਿਲੇ ਸਨ, ਜੋ ਉਸ ਲਈ ਇਕ ਯਾਦਗਾਰੀ ਪਲ ਹੈ। ਉਦੋਂ ਉਸ ਦੇ ਹੌਸਲੇ ਹੋਰ ਬੁਲੰਦ ਹੋਏ ਤੇ ਫਿਰ ਉਸ ਨੇ ਕਦੇ ਪਿੱਛੇ ਮੁੜ ਕੇ ਨਹੀਂ ਦੇਖਿਆ ਤੇ ਆਪਣੀ ਮਿਹਨਤ ਲਗਾਤਾਰ ਬਰਕਰਾਰ ਰੱਖੀ। 
ਉਸ ਨੇ ਦੱਸਿਆ ਕਿ ਉਹ ਸਮੇਂ ਨੂੰ ਕਦੇ ਅੰਞਾਈਂ ਨਹੀਂ ਗੁਆਉਂਦਾ ਤੇ ਹਰ ਪਲ ਕੁਝ ਨਾ ਕੁਝ ਸਿੱਖਣ ਦੀ ਤਾਂਘ 'ਚ ਰਹਿੰਦਾ। ਅੱਜ-ਕੱਲ ਉਹ 94.3 ਮਾਈ ਐੱਫਐੱਮ 'ਤੇ 'ਹੈਪੀ ਈਵਨਿੰਗ ਸ਼ੋਅ' ਬਤੌਰ ਰੇਡੀਓ ਜੌਕੀ 'ਆਰ ਜੇ ਗੈਰੀ' ਦੇ ਨਾਂ ਤੋਂ ਚਲਾ ਰਿਹਾ ਹੈ। ਇਸ ਸ਼ੋਅ ਨੂੰ ਸਰੋਤਿਆਂ ਵੱਲੋਂ ਮਣਾਂਮੂੰਹੀ ਪਿਆਰ ਵੀ ਮਿਲ ਰਿਹੈ। ਸਰੋਤਿਆਂ ਨੂੰ ਆਪਣੀ ਆਵਾਜ਼ ਨਾਲ ਨਿੱਘ ਦੇਣਾ ਗੈਰੀ ਦੀ ਖ਼ੂਬੀ ਹੈ। ਉਹ ਤਕਰੀਬਨ ਹਰ ਪੰਜਾਬੀ ਸਟਾਰ ਨਾਲ ਆਪਣੀ ਸਟੇਜ ਸਾਂਝੀ ਕਰ ਚੁੱਕਿਐ। 
ਵਰਿਆਂ ਦੀ ਮਿਹਨਤ ਮਗਰੋਂ ਹੁਣ ਗੈਰੀ ਬਤੌਰ ਅਦਾਕਾਰ ਪਾਲੀਵੁੱਡ 'ਚ ਆਪਣਾ ਪਲੇਠਾ ਕਦਮ ਰੱਖ ਰਿਹਾ ਹੈ। ਉਸ ਨੇ ਦੱਸਿਆ ਕਿ ਯੂ-ਟਿਊਬ 'ਤੇ ਉਸ ਨੇ ਗੌਰਵ ਮੈਣੀ ਦੇ ਨਾਂ ਨਾਲ ਇਕ ਵੀਡੀਓ ਪਾਈ ਹੋਈ ਸੀ, ਜਿਸ 'ਚ ਉਸ ਨੇ ਇਕ ਪੱਤਰਕਾਰ ਦੀ ਭੂਮਿਕਾ ਨਿਭਾਈ ਸੀ। ਉਸ ਦੇ ਇਕ ਦੋਸਤ ਨੇ ਇਹ ਵੀਡੀਓ ਕਪਿਲ ਬੱਤਰਾ ਨੂੰ ਦਿਖਾਈ। ਉਨਾਂ ਨੂੰ ਉਸ ਦਾ ਇਹ ਰੋਲ ਵਧੀਆ ਲੱਗਾ ਤਾਂ ਉਨਾਂ ਆਪਣੀ 5 ਅਪ੍ਰੈਲ ਨੂੰ ਰਿਲੀਜ਼ ਹੋ ਰਹੀ ਨਵੀਂ ਫਿਲਮ 'ਗੈਂਗਸਟਰ ਵਰਸਿਜ਼ ਸਟੇਟ' ਵਿਚ ਉਸ ਨੂੰ ਕੰਮ ਕਰਨ ਦਾ ਮੌਕਾ ਦਿੱਤਾ। ਉਹ ਸੋਚਦਾ ਹੈ ਕਿ ਆਪਣੀ ਸੋਚ ਨੂੰ ਸਕਾਰਾਤਮਕ ਰੱਖ ਕੇ ਹੀ ਜ਼ਿੰਦਗੀ 'ਚ ਅੱਗੇ ਵਧਿਆ ਜਾ ਸਕਦਾ। ਗੈਰੀ ਦਾ ਸੁਪਨਾ ਬਤੌਰ ਅਦਾਕਾਰ ਪਾਲੀਵੁੱਡ 'ਚ ਸਥਾਪਿਤ ਹੋਣ ਦਾ ਹੈ। ਸ਼ਾਲਾ! ਉਸ ਦੇ ਸੁਪਨਿਆਂ ਨੂੰ ਜਲਦੀ ਬੂਰ ਪਵੇ। 
                                                   - ਹਨੀ ਸੋਢੀ 

Have something to say? Post your comment

More News News

23 ਮਈ ਨੂੰ ਹੋਣ ਜਾ ਰਹੀ ਵੋਟਾਂ ਦੀ ਗਿਣਤੀ ਸਬੰਧੀ ਪੁਖ਼ਤਾ ਪ੍ਰਬੰਧ ਮੁਕੰਮਲ: ਡਿਪਟੀ ਕਮਿਸ਼ਨਰ ਹਾਲੈਂਡ ਵਿੱਚ ਲੱਗ ਰਹੇ 15 ਜੁਲਾਈ ਤੋਂ 19 ਜੁਲਾਈ ਤੱਕ ਖਾਲਸਾ ਕੈਂਪ ਦਾ ਹਿੱਸਾ ਬਣੋ ਤੀਜੇ ਘੱਲੂਘਾਰੇ ਦੀ ਸ਼ਹੀਦੀ ਸਮਾਗਮ ਦੀ ਤਿਆਰੀ ਲਈ ਦਮਦਮੀ ਟਕਸਾਲ ਦੇ ਹੈੱਡ ਕੁਆਟਰ ਮਹਿਤਾ ਵਿਖੇ ਹੋਈ ਭਾਰੀ ਇਕੱਤਰਤਾ। 2 ਜੂਨ ਦੇ ਰੋਸ ਮੁਜਾਹਰੇ ਬਾਰੇ ਸੰਤ ਭਿੰਡਰਾਂਵਾਲਿਆਂ ਦੀਆਂ ਹਾਈਵੇਅਜ਼ ਦੇ ਲੱਗੀਆਂ ਡਿਜੀਟਲ ਸਕਰੀਨਾਂ ਬਣੀਆਂ ਖਿੱਚ ਦਾ ਕੇਂਦਰ ਮਨੁੱਖੀ ਹੱਕਾਂ ਲਈ ਲੜਨ ਵਾਲੀ ਉੱਘੀ ਵਕੀਲ ਦੀਪਿਕਾ ਸਿੰਘ ਰਾਜਾਵਤ ਦਾ ਐਬਟਸਫੋਰਡ 'ਚ ਭਾਸ਼ਣ 19 ਮਈ ਐਤਵਾਰ ਨੂੰ ਹਲਕਾ ਸੰਗਰੂਰ ਤੋਂ 25 ਉਮੀਦਵਾਰਾਂ ਦੀ ਕਿਸਮਤ ਈ.ਵੀ.ਐਮ. ’ ਚ ਬੰਦ 'ਨਵੇਂ ਚੱਲੇ ਜੋ ਨੋਟ ਪਿੰਕ ਜੇ ਦਰੀਆਂ ਵਾਂਗ ਵਿਛਾ ਦਿਆਂਗੇ' ਗੀਤ ਨਾਲ ਚਰਚਾ ਵਿਚ ਡਾਕਟਰ ਬਲਜੀਤ ਨਜਾਇਜ ਤੌਰ ਤੇ ਵੋਟਾਂ ਕੱਟੀਆਂ, ਵੋਟ ਪਾਉਣ ਤੋਂ ਵਾਂਝਾ ਰਿਹਾ ਮਾਨਸਾ ਦਾ ਉੱਘਾ ਖੂਨ ਦਾਨੀ ਦਸਵੀਂ 'ਤੇ ਬਾਰਵੀਂ ਦੇ ਨਤੀਜਿਆਂ 'ਚ ਸਰਕਾਰੀ ਸਕੂਲਾਂ ਨੇ ਸਿਰਜਿਆ ਇਤਿਹਾਸ -- ਲੇਖਕ : ਪ੍ਰਮੋਦ ਧੀਰ ਡਿਪਟੀ ਕਮਿਸ਼ਨਰ ਨੇ ਸ਼ਾਂਤੀਪੂਰਵਕ ਢੰਗ ਨਾਲ ਵੋਟਾਂ ਪਾਉਣ 'ਤੇ ਸਮੂਹ ਵੋਟਰਾਂ ਦਾ ਕੀਤਾ ਧੰਨਵਾਦ
-
-
-