Sunday, January 19, 2020
FOLLOW US ON

News

ਪੰਜਾਬੀ ਸਾਹਿਤ ਸਭਾ ਦੇ ਸੀਨੀਅਰ ਅਤੇ ਪ੍ਰੌੜ੍ਹ ਕਵੀ- ਕੁਲਵੰਤ ਸਿੰਘ

August 10, 2019 12:01 AM
 
ਪੰਜਾਬੀ ਸਾਹਿਤ ਸਭਾ ਦੇ ਸੀਨੀਅਰ ਅਤੇ ਪ੍ਰੌੜ੍ਹ ਕਵੀ- ਕੁਲਵੰਤ ਸਿੰਘ

ਲੰਬੀ ਉਮਰ ਜਿਊਣ ਦਾ ਸਬੱਬ ਅਤੇ ਸਿਹਤਯਾਬੀ ਕੁਦਰਤ ਤੋਂ ਕਿਸੇ ਵਿਰਲੇ ਦੇ ਹਿੱਸੇ ਆਉਂਦੀ ਹੈ।ਉਹ ਆਪਣੇ ਪਰਿਵਾਰ ਚ ਫੁੱਲਾਂ ਵਰਗੀ ਖੁਸ਼ਬੋਅ ਤਾਂ ਵੰਡਦੇ ਹੀ ਹਨ,ਪਰ ਜੇਕਰ ਉਹਨਾਂ ਅੰਦਰ ਕਵੀ ਦਿਲ ਧੜਕਦਾ ਹੋਵੇ ਤਾਂ ਸਾਹਤਿਕ ਹਲਕਿਆਂ ਲਈ ਇਹ ਹੋਰ ਵੀ ਸੋਨੇ ਤੇ ਸੁਹਾਗੇ ਵਾਲੀ ਗੱਲ ਹੋ ਨਿੱਬੜਦੀ ਹੈ।ਇਸ ਸਾਹਿਤਕਾਰ ਨੂੰ ਜੇਕਰ ਪੰਜਾਬੀ ਸਭਾ ਪਟਿਆਲਾ ਦਾ ਬਾਬਾ ਬੋਹੜ੍ਹ ਕਹਿ ਲਿਆ ਜਾਵੇ ਤਾਂ ਸ਼ਾਇਦ ਕੋਈ ਅਤਿਕਥਨੀ ਨਹੀਂ ਹੋਵੇਗੀ।ਉਸ ਮਹਾਨ ਸਤਿਕਾਰਤ ਅਤੇ ਸਾਹਿਤਕ ਹਸਤੀ ਨੂੰ ਸਾਰੇ ਪਿਆਰ ਨਾਲ ਬਾਪੂ ਕੁਲਵੰਤ ਸਿੰਘ ਕਹਿੰਦੇ ਹਨ।ਦੇਸ਼ ਦੇ ਅਣਵੰਡੇ ਪੰਜਾਬ ਦੇ ਚੱਕ ਨੰਬਰ 463, ਤਹਿਸੀਲ ਸਮੁੰਦਰੀ, ਜਿਲ੍ਹਾ ਲਾਇਲਪੁਰ ਫੈਸਲਬਾਦ(ਪਾਕਿਸਤਾਨ) ਵਿੱਚ 1 ਜਨਵਰੀ 1926 ਨੂੰ ਪਿਤਾ ਸ੍ਰ.ਭਗਤ ਸਿੰਘ ਅਤੇ ਮਾਤਾ ਸ੍ਰੀਮਤੀ ਵੀਰਾਂਵਾਲੀ ਦੇ ਘਰ ਜਨਮੇ ਕੁਲਵੰਤ ਸਿੰਘ ਗਰੈਜੂਏਸ਼ਨ ਅਤੇ ਗਿਆਨੀ ਪਾਸ ਕੀਤੀ ਹੋਈ ਹੈ।

ਆਪਣੇ ਜੀਵਨ ਦੀਆਂ 94 ਕੁ ਪੱਤਝੜ੍ਹਾਂ ਅਤੇ ਹੁਸੀਨ ਬਹਾਰਾਂ ਦਾ ਆਨੰਦ ਮਾਣ ਚੁੱਕੇ ਕੁਲਵੰਤ ਸਿੰਘ ਨੂੰ ਪੜਦਿਆਂ ਪਤਾ ਹੀ ਨਹੀਂ ਲੱਗਾ ਕਦੋਂ ਮਨ ਅੰਦਰ ਉੱਠਦੇ ਵਿਚਾਰਾਂ ਦੇ ਤੂਫਾਨੀ ਸ਼ਬਦਾਂ ਕਵਿਤਾ ਦੇ ਰੂਪ ਚ ਕਾਗਜ ਦੀ ਹਿੱਕ ਤੇ ਝਰੀਟ ਦਿੱਤਾ।ਸਾਥੀਆਂ ਦੀ ਹੱਲਾਸ਼ੇਰੀ ਅਤੇ ਸਹਿਯੋਗ ਨੇ ਮੁਸੱਲਸਲ ਲਿਖਣ ਲਈ ਉਤਸ਼ਾਹਿਤ ਕੀਤਾ। 1947 ਦੇ ਵੰਡ ਦਾ ਦੁਖਾਂਤ ਉਹਨਾਂ ਤਨ ਤੇ ਹੰਢਾਇਆ ਹੈ।ਅਜਿਹੀ ਕਲਮ ਚੁੱਕੀ ਕਵਿਤਾਵਾਂ ਦੇ ਇੱਕ ਨਹੀਂ, ਦੋ ਨਹੀ ਪੰਜ ਕਾਵਿ ਸੰਗ੍ਰਹਿ 1.ਸਤਿ ਕੁਸਤਿ,2.ਪੱਟੀ ਜੀਵਨ ਜੁਗਤ ਦੀ, 3.ਪੈਂਡੇ ਅਗਮ ਅਗੋਚਰ, 4. ਕਾਇਆ ਕਪੜ ਅਤੇ 5.ਚੁੱਪ ਦਾ ਰੌਲਾ ਆਦਿ ਪੰਜਾਬੀ ਸਾਹਿਤ ਦੀ ਝੋਲੀ ਪਾਏ।ਉਹਨਾਂ ਦੀਆਂ ਕਵਿਤਾਵਾਂ ਚ ਉਰਦੂ ਦਾ ਪ੍ਰਭਾਵ ਸਪੱਸ਼ਟ ਨਜ਼ਰ ਆਉਂਦਾ ਹੈ।ਉਹਨਾਂ ਉਰਦੂ ਦੀ ਤਾਲੀਮ ਵੀ ਹਾਸਲ ਕੀਤੀ ਹੋਈ ਹੈ।ਉਹਨਾਂ ਦੀਆਂ ਕਵਿਤਾਵਾਂ ਚੋਂ ਵਿਛੋੜੇ ਦਾ ਦਰਦ,ਦੁੱਖਾਂ ਦੀ ਕੁਰਲਾਹਟ, ਯਾਦਾਂ ਦੀ ਖੁਸ਼ਬੋ, ਸਾਹਿਤਕ,ਸਮਾਜਿਕ ਪਰਿਵਾਰਕ ਨਸੀਹਤਾਂ ਆਦਿ ਝਲਕਾਰਾ ਪੈਂਦਾ ਹੈ।
           
 "ਭੁੱਲੀਆਂ ਯਾਦਾਂ ਵਿਸਰੇ ਕਿੱਸੇ ਸੀਨੇ ਵਿਚ ਅੜੇ,              
   ਫਟੇ ਪੁਰਾਣੇ ਲੀੜੇ ਜੀਕਣ ਝਿੰਗਾਂ ਵਿੱਚ ਅੜੇ,                  
  ਮੇਰਾ ਵੱਢਿਆ ਰੁੱਖ ਮੇਰੇ ਸੰਗ ਮੜੀਆਂ ਵਿਚ ਸੜੇ,              
 ਜਦ ਫਲ ਪੱਕੇ ਟਾਹਣੀ ਨਾਲੋਂ ਆਪਣੇ ਆਪ ਝੜੇ। "    
ਅਤੇ    
"ਭਾਵੇਂ ਕੁਝ ਵੀ ਨਹੀਂ ਪੱਲੇ ਫਿਰ ਵੀ ਫੁੱਲ ਤਾਂ ਹੈ  
  ਰੁੰਡ ਮੁੰਡ ਰੁੱਖ ਦੀ ਥੋੜ੍ਹੀ ਜਿਨੀ ਛਾਇਆ ਹੈ                  
    ਬਾਸੀ ਜੂਠਾ ਬਚਿਆ ਹੋਇਆ ਟੁੱਕਰ ਹੈ                       

 ਭੁੱਖੇ ਲਈ ਛੱਤੀ ਪ੍ਰਕਾਰੀ ਮਾਇਆ ਹੈ"                         
   ਇੱਕ ਹੋਰ ਗਜ਼ਲ ਦਾ ਸ਼ੇਅਰ                                       
"ਨ੍ਹੇਰਾ ਸਾਰੇ ਪਸਰਿਐ,ਹੋ ਰਿਹੈ ਜੀਵਨ ਬੇਹਾਲ-ਦੀਵਾ ਬਾਲ   
ਨ੍ਹੇਰਾ ਕਾਲਾ ਸ਼ਾਹ-ਬਦੀਆਂ ਲਈ ਪਨਾਹ ਹੈ"                 

  ਅੱਜਕਲ੍ਹ ਪਰਿਵਾਰ ਸਮੇਤ ਸਾਹਿਤਕਾਰਾਂ ਦੇ ਸ਼ਹਿਰ ਪਟਿਆਲਾ ਚ ਵਸਦੇ ਕੁਲਵੰਤ ਸਿੰਘ ਨੂੰ ਹੋਰਨਾਂ ਸੰਸਥਾਵਾਂ ਤੋਂ ਇਲਾਵਾ ਪੰਜਾਬੀ ਸਾਹਿਤ ਸਭਾ ਪਟਿਆਲਾ ਨੇ 2013 ਚ ਵਿਸ਼ੇਸ਼ ਤੌਰ ਤੇ "ਰਾਜਿੰਦਰ ਕੌਰ ਵੰਤਾ ਯਾਦਗਾਰੀ ਪੁਰਸਕਾਰ" ਨਾਲ ਸਨਮਾਨਿਤ ਕੀਤਾ ਹੈ।ਪੰਜਾਬੀ ਸਾਹਿਤ ਦਾ ਇਹ ਕਾਵਿ ਵਗਦਾ ਦਰਿਆ ਨਿਰੰਤਰ ਜਾਰੀ ਹੈ। ਸਾਡੀਆਂ ਸ਼ੁਭ ਇਛਾਵਾਂ ਉਹਨਾਂ ਨਾਲ ਹਨ।   

  ਇੰਜੀ. ਸਤਨਾਮ ਸਿੰਘ ਮੱਟੂ 9779708257         

Have something to say? Post your comment

More News News

ਨਿਊਜਰਸੀ ਦੇ ਇਕ ਭਾਰਤੀ ਸ਼ਰਾਬੀ ਕਾਰ ਡਰਾਈਵਰ ਨੂੰ ਇਕ ਪਤੀ-ਪਤਨੀ ਨੂੰ ਮਾਰਨ ਦੇ ਦੌਸ਼ ਹੇਠ 12 ਸਾਲ ਦੀ ਕੈਦ Unidentified car riders robbed about 5 lakhs on the strength of arms from HDFC Bank Bandala branch. ਸਫਰ-ਏ-ਅਕਾਲੀ ਲਹਿਰ ਪ੍ਰੋਗਰਾਮ ਰਾਹੀ ਮਨਾਇਆ ਅਕਾਲੀ ਦਲ ਦਾ 100ਵਾਂ ਸਥਾਪਨਾ ਦਿਹਾੜਾ ਮਿਸ਼ਨ ਸ਼ਤ-ਪ੍ਤੀਸ਼ਤ ਲਈ ਸੈਂਟਰ ਹੈੱਡ ਟੀਚਰ ਸੈਂਟਰ ਅਧੀਨ ਸਕੂਲਾਂ ਦਾ ਅੰਕੜਾ ਵਿਸ਼ਲੇਸ਼ਣ ਕਰਨ - ਸਿੱਖਿਆ ਸਕੱਤਰ ਜ਼ਿਲ੍ਹਾ ਪਟਿਆਲਾ ਵਿਚ ਪੰਜਾਬ ਰਾਜ ਅਧਿਆਪਕ ਯੋਗਤਾ ਟੈਸਟ ਦੀਆਂ ਤਿਆਰੀਆਂ ਮੁਕੰਮਲ ਮਨਰੇਗਾ ਕਾਨੂੰਨ ਤਹਿਤ ਮਜਦੂਰਾਂ ਨੂੰ ਕੋਈ ਵੀ ਸਹੂਲਤ ਨਹੀਂ ਦਿੱਤੀ ਜਾ ਰਹੀ - ਸੀਰਾ ਨਾਗਰਿਕਤਾ ਸੋਧ ਕਾਨੂੰਨ ਤੇ ਪੰਜਾਬ ਸਰਕਾਰ ਵੱਲੋਂ ਲਏ ਫੈਸਲਾ ਸਲਾਘਾਂਯੋਗ ਪੰਜਾਬੀ ਪਰਵਾਸੀਆਂ ਪੰਜਾਬੀਆਂ ਦੀ ਪੱਗ ਸਿਰ ਤੇ ਰੱਖੀ ਹੋਈ ਹੈ- ਡਾ. ਗੁਰਵਿੰਦਰ ਧਾਲੀਵਾਲ 11 ਕਿਲੋ ਭੁੱਕੀ ਬ੍ਰਰਾਮਦ ਕੀਤੀ ਪੁਲਿਸ ਨੇ ਨਾਕਾਂ ਲਗਾ ਕੇ -- ਚੋਕੀ ਇਨਚਾਰਜ ਹਰਜਿੰਦਰ ਸਿੰਘ ਸਰਬੱਤ ਦਾ ਭਲਾ ਟਰੱਸਟ ਵੱਲੋਂ ਤੀਸਰੇ ਪੜਾਅ ਵਿੱਚ 150 ਵਹੀਕਲਾਂ ਤੇ ਰਿਫਲੈਕਟਰ ਲਗਾਏ ਗਏ
-
-
-