Wednesday, November 20, 2019
FOLLOW US ON

News

ਲੰਡਨ 'ਚ “ਸ਼ੁੱਧ ਕੋਕੀਨ“ ਦੀ ਖਪਤ ਸੁਣ ਕੇ ਉੱਡ ਜਾਣਗੇ ਹੋਸ਼

October 13, 2019 09:23 PM

ਲੰਡਨ 'ਚ “ਸ਼ੁੱਧ ਕੋਕੀਨ“ ਦੀ ਖਪਤ ਸੁਣ ਕੇ ਉੱਡ ਜਾਣਗੇ ਹੋਸ਼
-ਰੋਜਾਨਾ ਹੁੰਦੀ ਹੈ ਪੌਣੇ ਤਿੰਨ ਮਿਲੀਅਨ ਪੌਂਡ ਕੀਮਤ ਦੀ 23 ਕਿਲੋਗ੍ਰਾਮ ਕੋਕੀਨ ਖਪਤ
-ਸਾਲ 'ਚ 8 ਟਨ ਕੋਕੀਨ ਵਰਤੀ ਜਾਂਦੀ ਹੈ ਲੰਡਨ 'ਚ
ਲੰਡਨ/ਗਲਾਸਗੋ (ਮਨਦੀਪ ਖੁਰਮੀ ਹਿੰਮਤਪੁਰਾ) ਲੰਡਨ ਸ਼ਹਿਰ ਬਰਤਾਨੀਆ ਦਾ ਸੁਹੱਪਣ ਹੈ, ਸਿਰ ਦਾ ਤਾਜ਼ ਮੰਨਿਆ ਜਾਂਦਾ ਹੈ। ਸਭ ਤੋਂ ਵਧੇਰੇ ਪ੍ਰਸਿੱਧ ਘੁੰਮਣ ਸਥਾਨ ਵਜੋਂ ਜਾਣੇ ਜਾਂਦੇ ਲੰਡਨ ਦਾ ਕਰੂਪ ਚਿਹਰਾ ਦੇਖ ਕੇ ਇੱਕ ਵਾਰ ਤੁਹਾਡੇ ਵੀ ਹੋਸ਼ ਉੱਡ ਜਾਣਗੇ। ਇੱਕ ਸਰਵੇਖਣ ਰਾਹੀਂ ਇਹ ਗੱਲ ਸਾਹਮਣੇ ਆਈ ਹੈ ਕਿ ਲੰਡਨ, ਸ਼ੁੱਧ ਕੋਕੀਨ ਨਸ਼ੇ ਦੀ ਖਪਤ ਦੇ ਮਾਮਲੇ ਵਿੱਚ ਬਾਰਸੀਲੋਨਾ, ਐਮਸਟਰਡਮ ਤੇ ਬਰਲਿਨ ਨੂੰ ਵੀ ਪਿੱਛੇ ਛੱਡ ਗਿਆ ਹੈ। ਹਰ ਰੋਜ ਔਸਤਨ 567445 'ਖੁਰਾਕਾਂ' ਦਾ ਸੇਵਨ ਇਕੱਲੇ ਲੰਡਨ ਵਿੱਚ ਹੁੰਦਾ ਹੈ ਜਿਸਦੀ ਬਜ਼ਾਰੂ ਕੀਮਤ ਪੌਣੇ ਤਿੰਨ ਮਿਲੀਅਨ ਪੌਂਡ ਆਂਕੀ ਗਈ ਹੈ। ਕਿੰਗਜ਼ ਕਾਲਜ਼ ਲੰਡਨ ਯੂਨੀਵਰਸਿਟੀ ਦੇ ਫਾਰੈਂਸਿਕ ਵਿਗਿਆਨੀਆਂ ਦਾ ਕਹਿਣਾ ਹੈ ਕਿ ਲੰਡਨ ਵਿੱਚ ਸ਼ੁੱਧ ਕੋਕੀਨ ਦੀ ਖਪਤ 23 ਕਿਲੋਗ੍ਰਾਮ ਹੁੰਦੀ ਹੈ ਜਦੋਂਕਿ ਬਾਰਸੀਲੋਨਾ ਵਿੱਚ 12.7 ਕਿਲੋਗ੍ਰਾਮ, ਐਮਸਟਰਡਮ ਵਿੱਚ 4.62 ਕਿਲੋਗ੍ਰਾਮ ਅਤੇ ਬਰਲਿਨ 4.62 ਕਿਲੋਗ੍ਰਾਮ ਖਪਤ ਹੁੰਦੀ ਹੈ। ਇਸਦਾ ਸਿੱਧਾ ਜਿਹਾ ਮਤਲਬ ਇਹ ਹੈ ਕਿ ਲੰਡਨ ਵਿੱਚ ਸਾਲਾਨਾ 8 ਟਨ ਦੇ ਲਗਭਗ ਕੋਕੀਨ ਦਾ ਸੇਵਨ ਕੀਤਾ ਜਾਂਦਾ ਹੈ, ਜਿਸਦੀ ਬਾਜ਼ਾਰੂ ਕੀਮਤ ਇੱਕ ਬਿਲੀਅਨ ਪੌਂਡ ਤੋਂ ਵਧੇਰੇ ਹੁੰਦੀ ਹੈ। ਸਰਵੇਖਣ ਵਿੱਚ  ਇਹ ਵੀ ਸਾਹਮਣੇ ਆਇਆ ਹੈ ਕਿ ਲੰਡਨ ਦੇ ਕੋਕੀਨ ਪੀਣ ਵਾਲੇ ਹੋਰਨਾਂ ਯੂਰਪੀਅਨ ਸ਼ਹਿਰਾਂ ਦੇ ਮੁਕਾਬਲੇ ਹਫਤੇ ਦੇ ਕੰਮ ਵਾਲੇ ਦਿਨਾਂ ਵਿੱਚ ਵਧੇਰੇ ਨਸ਼ਾ ਕਰਦੇ ਹਨ। ਸਰਵੇਖਣ ਮਾਹਿਰਾਂ ਅਨੁਸਾਰ ਲੰਡਨ ਵਿੱਚ ਕੋਕੀਨ ਦੀ ਖਪਤ 2011 ਤੋਂ 2015 ਦੇ ਦਰਮਿਆਨ ਦੁੱਗਣੀ ਹੋ ਗਈ ਸੀ। ਪਰ ਉਸਤੋਂ ਬਾਅਦ ਥੋੜੀ ਜਿਹੀ ਗਿਰਾਵਟ ਆਈ ਹੈ। ਇੱਕ ਬਾਰ ਮਾਲਕ ਦਾ ਕਹਿਣਾ ਹੈ ਕਿ ਨਸ਼ਾ ਕਰਕੇ ਖਰੂਦ ਪਾਉਣ ਵਾਲਿਆਂ 'ਤੇ ਜਾਂ ਉਹਨਾਂ ਦੇ ਕੰਮ ਸਥਾਨ ਅੰਦਰ ਨਸ਼ਾ ਕਰਨ ਵਾਲਿਆਂ ਨੂੰ ਰੋਕਣ ਲਈ ਉਹਨਾਂ ਨੂੰ ਸੁਰੱਖਿਆ ਪ੍ਰਬੰਧ ਹੋਰ ਮਜ਼ਬੂਤ ਕਰਨੇ ਪੈ ਰਹੇ ਹਨ। ਜਿਸ ਕਰਕੇ ਹੋਰ ਸੁਰੱਖਿਆ ਕਰਮੀ ਰੱਖਣ ਲਈ ਉਹਨਾਂ ਦੀ ਹੀ ਜੇਬ ਹਲਕੀ ਹੋ ਰਹੀ ਹੈ। ਜਿਕਰਯੋਗ ਹੈ ਕਿ ਅਜਿਹੇ ਨਸ਼ਿਆਂ ਦੀ ਆਮਦ ਕੇਲਿਆਂ ਜਾਂ ਅਨਾਨਾਸ ਵਰਗੇ ਫਲਾਂ ਦੀ ਆੜ ਹੇਠ ਹੁੰਦੀ ਦੱਸੀ ਜਾਂਦੀ ਹੈ।

Have something to say? Post your comment

More News News

ਸਿੱਖ ਰਾਜਸੀ ਕੈਦੀ ਰਹੇ ਬਾਪੂ ਗੁਰਜੰਟ ਸਿੰਘ ਨੂੰ ਵੱਖ ਵੱਖ ਪੰਥਕ ਸ਼ਖ਼ਸੀਅਤਾਂ ਵੱਲੋਂ ਸ਼ਰਧਾਂਜਲੀ ਭੇਟ। ਨੈਕੀ ਫਾਊਡੇਸ਼ਨ ਵੱਲੋ ਲਗਾਏ ਖੂਨਦਾਨ ਕੈਪ ਵਿੱਚ ਸ਼ਾਮ ਤੱਕ ਲਗੀਆ ਰਹੀਆਂ ਲੰਮੀਆਂ ਲਾਈਨਾਂ Cluster level educational competitions of primary schools - About 20000 students participated in cluster level competitions. Drinking water is being supplied at railway station Jandiala from iron tank over 80 years old. ਸੁਖਵਿੰਦਰ ਚਹਿਲ ਦਾ ''ਖੇਤ 'ਚ ਉੱਗੀ ਸੂਲੀ'' ਨਾਵਲ ਦਿਹਾਤੀ ਸਮਾਜਕ ਤਾਣੇ ਬਾਣੇ ਦੀ ਤਸਵੀਰ ਗਾਇਕ ਸੁੱਖ ਜਿੰਦ ਦਾ ਨਵਾ ਗਾਣਾ " ਫਾਰਮੈਲਿਟੀ " ਦਾ ਪੋਸਟਰ ਤੇ ਟੀਜ਼ਰ ਹੋਇਆ ਰਿਲੀਜ਼ ਭਾਰਤ ਦਾ ਨਿਆਂਇਕ ਸਿਸਟਮ ਪੂਰੀ ਤਰਾਂ ਪੱਖਪਾਤੀ ਅਤੇ ਹਿੰਦੂਤਵ ਦਾ ਗੁਲਾਮ ਬਣ ਚੁੱਕਾ ਹੈ-ਯੂਨਾਈਟਿਡ ਖਾਲਸਾ ਦਲ ਯੂ,ਕੇ ਜਮਹੂਰੀ ਅਤੇ ਜਨਤਕ ਕਿਸਾਨ ਮਜ਼ਦੂਰ ਜਥੇਬੰਦੀਆਂ ਪਿੰਡ ਚੰਗਾਲੀ ( ਸੰਗਰੂਰ ) ਵਿਚ ਦਲਿਤ ਨੌਜਵਾਨ ਤੇ ਤਸ਼ੱਦਦ ਕਰਕੇ ਮਾਰਨ ਖਿਲਾਫ਼ ਡਿਪਟੀ ਕਮਿਸ਼ਨਰ ਅਪਨੀਤ ਰਿਆਤ ਮਾਨਸਾ ਰਾਹੀਂ ਮੁੱਖ ਮੰਤਰੀ ਪੰਜਾਬ ਦੇ ਨਾਮ ਮੰਗ ਪੱਤਰ ਦਿੱਤਾ ਖਾਲਸਾ ਕਾਲਜ ਦੇ ਖੇਤੀਬਾੜੀ ਵਿਭਾਗ ਵੱਲੋਂ ਪਲੁਟੋਰਸ ਖੁੰਭਾ ਦੀ ਕਾਸ਼ਤ ਕੀਤੀ *ਪੰਜਾਬ ਸਰਕਾਰ ਵਲੋ ਸੂਬੇ ਵਿਚ ਖੇਡਾਂ ਨੂੰ ਪ੍ਰਫੁੱਲਤ ਕਰਨ ਲਈ ਕੀਤੇ ਜਾ ਰਹੇ ਭਰਪੂਰ ਯਤਨ: ਰਾਣਾ ਕੇ.ਪੀ ਸਿੰਘ
-
-
-