Friday, August 07, 2020
FOLLOW US ON
BREAKING NEWS
ਬੱਚਿਆਂ ਨੂੰ ਡੁੱਬਣ ਤੋਂ ਬਚਾਉਂਦਿਆਂ ਅਮਰੀਕਾ ਵਿੱਚ ਮਨਜੀਤ ਸਿੰਘ ਦੀ ਮੌਤਜੱਗੀ ਜੌਹਲ ਦੀ ਰਿਹਾਈ ਲਈ ਬ੍ਰਿਟਿਸ਼ ਐਮਪੀ ਮਾਰਟਿਨ ਡੌਕਰਟੀ ਨੇ 60 ਐਮਪੀਜ਼ ਦੇ ਸਾਈਨ ਕੀਤੀ ਚਿੱਠੀ ਵਿਦੇਸ਼ ਸਕੱਤਰ ਡੋਮਨਿਕ ਰਾਬ ਨੂੰ ਭੇਜੀਗਿਆਨੀ ਇਕਬਾਲ ਸਿੰਘ ਨੂੰ ਤੁਰੰਤ ਅਕਾਲ ਤਖਤ ਤੇ ਸਦਿਆ ਜਾਏ: ਪਰਮਜੀਤ ਸਿੰਘ ਸਰਨਾ15 ਅਗਸਤ ਨੂੰ ਸਿੱਖ ਕਾਲੇ ਦਿਵਸ ਵਜੋਂ ਮਨਾਉਣ- ਫੈਡਰੇਸ਼ਨ ਆਫ ਸਿੱਖ ਆਰਗਾਨਾਈਜੇਸ਼ਨਜ਼ ਯੂ,ਕੇ ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਫੈਡਰਲ ਏਜੰਸੀਆਂ ਨੂੰ ਵਿਦੇਸ਼ੀ ਕਾਮਿਆਂ ਨਾਲ ਅਮਰੀਕਨਾਂ ਦੀ ਥਾਂ ਲੈਣ ਤੋਂ ਰੋਕਣ ਲਈ ਕਾਰਜਕਾਰੀ ਆਦੇਸ਼ ‘ਤੇ ਦਸਤਖਤ ਕੀਤੇਆਰ ਐਸ ਐਸ ਦੀ ਹਰ ਸੰਭਵ ਕੋਸ਼ਿਸ਼ ਹੋਵੇਗੀ ਕਿ ਸਿੱਖ ਲੱਗਣ ਵਾਲੇ ਕੁੱਝ ਚਿਹਰੇ ਰਾਮ ਮੰਦਰ ਦੇ ਉਦਘਾਟਨੀ ਸਮਾਗਮ ਵਿੱਚ ਹਾਜ਼ਰ ਰਹਿਣ: ਗਜਿੰਦਰ ਸਿੰਘ, ਦਲ ਖਾਲਸਾ

Article

ਪੁਸਤਕ ਰੀਵਿਊ/ਪੁਸਤਕ : ਨਾਨਕ ਦੁਨੀਆ ਕੈਸੀ ਹੋਈ ~ ਰੀਵਿਊਕਾਰ: ਪ੍ਰੋ. ਨਵ ਸੰਗੀਤ ਸਿੰਘ

October 15, 2019 10:11 PM
 
 
              *  ਪੁਸਤਕ  :    ਨਾਨਕ ਦੁਨੀਆ ਕੈਸੀ ਹੋਈ 
              *  ਲੇਖਕ    :    ਗੁਰਚਰਨ ਸਿੰਘ ਖ਼ਾਲਸਾ 
              *  ਪ੍ਰਕਾਸ਼ਕ :    ਗ੍ਰੇਸ਼ੀਅਸ ਬੁਕਸ, ਪਟਿਆਲਾ 
              *  ISBN   :    978-1-989310-19-9
              *   ਪੰਨੇ      :    87     ;   ਮੁੱਲ :   150/-
 
                   
 
ਵਿਚਾਰ ਅਧੀਨ ਪੁਸਤਕ ਦੋ ਭਾਗਾਂ ਵਿਚ ਵੰਡੀ ਹੋਈ ਹੈ, ਜਿਸਦੇ ਪਹਿਲੇ ਭਾਗ ਵਿੱਚ ਕਵਿਤਾਵਾਂ ਅਤੇ ਦੂਜੇ ਵਿੱਚ ਵਿਚਾਰ ਹਨ। ਪੋਥੀ ਨੁਮਾ ਇਹ ਪੁਸਤਕ ਲੇਖਕ ਦੀ ਪਲੇਠੀ ਹੈ।
ਪੁਸਤਕ ਵਿੱਚ ਛੋਟੀਆਂ- ਛੋਟੀਆਂ 58 ਪੰਨਿਆਂ ਤੇ 39 ਕਵਿਤਾਵਾਂ ਹਨ, ਜਦਕਿ 17 ਪੰਨਿਆਂ ਤੇ ਛੋਟੇ- ਛੋਟੇ ਵਿਚਾਰਾਂ ਦੀ ਗਿਣਤੀ 125 ਹੈ।
ਇਸ ਸੰਗ੍ਰਹਿ ਦੀਆਂ ਜ਼ਿਆਦਾਤਰ ਕਵਿਤਾਵਾਂ ਸਿੱਖ ਧਰਮ, ਸਿੱਖੀ, ਅਤੇ ਸਿੱਖ ਇਤਿਹਾਸ ਨਾਲ ਵਾਬਸਤਾ ਹਨ ਅਤੇ ਬਾਕੀ ਨੈਤਿਕ ਮੁੱਲਾਂ ਬਾਰੇ ਹਨ। ਗੁਰਚਰਨ ਸਿੰਘ ਖਾਲਸਾ ਦੀਆਂ ਬਹੁਤੀਆਂ ਕਵਿਤਾਵਾਂ ਸਮਝਣਯੋਗ ਭਾਸ਼ਾ ਵਿੱਚ ਲਿਖੀਆਂ ਤੁਕਾਂਤ ਬੱਧ ਅਤੇ ਸਰੋਦੀ ਹਨ।
ਉਂਝ ਤਾਂ ਸੰਗ੍ਰਹਿ ਦੀਆਂ ਸਾਰੀਆਂ ਹੀ ਕਵਿਤਾਵਾਂ ਸਹਿਜਤਾ ਅਤੇ ਅਦਬੋ- ਅਦਾਬ ਨਾਲ ਲਬਰੇਜ਼ ਹਨ, ਪਰ ਮੈਨੂੰ ਇਸ ਵਿਚਲੀ 'ਬੇਦਾਵਾ' ਕਵਿਤਾ ਹੋਰਾਂ ਨਾਲੋਂ ਵਿਲੱਖਣ ਜਾਪੀ ਹੈ: 
       ਮਹਾਂ ਸਿੰਘ ਨੇ ਬੇਦਾਵਾ ਬੇਸ਼ੱਕ/ ਲਿਖਿਆ ਹੋਵੇਗਾ/ ਪਰ/
       ਉਹਨੇ ਗੁਰੂ ਨੂੰ ਨਹੀਂ ਛੱਡਿਆ/ ਗੁਰੂ ਨੂੰ ਪਤਾ ਸੀ ਮੁੜ
       ਆਵੇਗਾ/ ਤਾਂ ਗੁਰੂ ਨੇ ਬੇਦਾਵਾ ਸਾਂਭ ਰੱਖਿਆ/
       ਉਹ ਮੁੜਿਆ/ ਲੜਿਆ/ ਬੇਦਾਵਾ ਪੜਵਾ ਲਿਆ/
       ਮੁਕਤ ਹੋ ਗਿਆ/ ਇੰਝ ਮੁਕਤ ਹੋਇਆ/ ਕਿ ਖਿਦਰਾਣੇ ਦੀ
       ਢਾਬ ਮੁਕਤਸਰ ਹੋ ਗਈ/ ਅਸੀਂ ਜਿਨ੍ਹਾਂ ਨੇ ਲਿਖਤੀ ਬੇਦਾਵਾ
       ਨਹੀਂ ਦਿੱਤਾ/ ਪਰ ਗੁਰੂ ਤੋਂ ਮੁੱਖ ਮੋੜ ਬੈਠੇ/ ਆਪਾਂ ਵੀ ਮਹਾਂ
       ਸਿੰਘ ਬਣ ਜਾਈਏ/ ਸਨਮੁੱਖ ਖਲੋ ਜਾਈਏ/ ਗੁਰੂ ਨੂੰ ਤਾਂ
       ਸਾਡੇ ਮੁੜਨ ਦੀ ਵੀ ਬਹੁਤ ਆਸ ਹੋਵੇਗੀ।
                                                        (ਪੰਨਾ 64) 
ਸੰਗ੍ਰਹਿ ਦੀਆਂ ਕਵਿਤਾਵਾਂ ਵਿੱਚ ਕਿਤੇ- ਕਿਤੇ ਸੂਖਮ ਪ੍ਰਤੀਕਾਂ ਦੀ ਵਰਤੋਂ ਮਿਲਦੀ ਹੈ, ਜੋ ਜ਼ਿਆਦਾਤਰ ਸਿੱਖ ਵਿਰਸੇ ਤੋਂ ਲਏ ਗਏ ਹਨ:
     * ਕਵਿਤਾ ਇਕੱਲੇ ਸ਼ਬਦ ਨਹੀਂ ਹੁੰਦੀ
        ਗੜ੍ਹੀ ਚ ਵੱਜੀ ਤਾੜੀ ਵੀ ਕਵਿਤਾ।
                                                      (ਪੰਨਾ 13)     
     * ਔਰਤ ਹੀ ਸੱਚ ਧਰਮ ਦੀ ਖਾਤਰ
        ਪੁੱਤਰਾਂ ਦੇ ਪੁੱਤਰ ਵਾਰ ਗਈ।
                                                      (ਪੰਨਾ 21)
      * ਪੜ੍ਹੀਏ ਜਦੋਂ ਬੰਦੂਕ ਸੀ ਪਰਖੀ
         ਕਿਉਂ ਚਾਅ ਸੀ ਮੂਹਰੇ ਖੜ੍ਹਨ ਲਈ।
                                                      (ਪੰਨਾ 41) 
ਕਵੀ 'ਮਾਡਰਨ' ਕਹਾਉਂਦੇ ਲੋਕਾਂ ਨੂੰ ਇੱਕ ਅਟੱਲ ਸੱਚਾਈ ਦਾ ਬੋਧ ਕਰਾਉਂਦਿਆਂ ਵੰਗਾਰ ਪਾਉਂਦਾ ਹੈ:
       ਜੇ ਉਹ ਨਾ ਸੰਭਲੇ ਤਾਂ ਸਮਝ ਲਿਓ
       ਉਹ ਕਦੇ ਨਾ ਵਾਪਸ ਪਰਤਣਗੇ
       ਜੋ ਗੱਟ- ਗੱਟ ਪੀੰਦੇ ਅੰਮ੍ਰਿਤ ਸੀ
       ਉਹ ਪਾਣੀ ਨੂੰ ਵੀ ਤਰਸਣਗੇ।
                                                    (ਪੰਨਾ 33) 
ਕਵੀ ਪੰਜਾਬੀਆਂ ਨੂੰ ਉੱਚੀ- ਉੱਚੀ ਆਵਾਜ਼ਾਂ ਮਾਰ ਕੇ ਆਪਣਾ ਵਿਰਸਾ, ਇਤਿਹਾਸ, ਬੋਲੀ, ਸੱਭਿਆਚਾਰ ਸਾਂਭਣ ਦੀ ਦੁਹਾਈ ਦਿੰਦਾ ਹੈ। ਕਾਸ਼, ਅਸੀਂ ਪੰਜਾਂ ਦਰਿਆਵਾਂ ਦੇ ਵਾਸੀ ਕਵੀ ਦੀ ਸੱਚੇ ਦਿਲੋਂ ਕੀਤੀ ਇਹ ਫਰਿਆਦ ਸੁਣ ਸਕੀਏ। 
ਲੇਖਕ ਨੇ ਪੁਸਤਕ ਵਿੱਚ ਭੂਮਿਕਾ ਅਤੇ ਤਤਕਰਾ ਨਹੀਂ ਦਿੱਤਾ, ਪਤਾ ਨਹੀਂ ਇਸ ਦਾ ਕੀ ਕਾਰਨ ਹੈ? ਦੂਜੀ ਗੱਲ, ਜੇ ਕਿਤਾਬ ਇੱਕੋ ਵਿਧਾ ਵਿੱਚ ਹੁੰਦੀ ਤਾਂ ਜ਼ਿਆਦਾ ਪ੍ਰਭਾਵਿਤ ਕਰਦੀ। ਸਰਵਰਕ ਉੱਤੇ ਲੇਖਕ ਦਾ ਨਾਂ ਗੁਰਚਰਨ ਸਿੰਘ ਖ਼ਾਲਸਾ ਪ੍ਰਕਾਸ਼ਿਤ ਹੋਇਆ ਹੈ, ਜਦਕਿ ਅੰਦਰ ਸਿਰਫ ਗੁਰਚਰਨ ਸਿੰਘ। ਛੋਟੀਆਂ- ਮੋਟੀਆਂ ਸ਼ਬਦਜੋੜਾਂ ਦੀਆਂ ਗਲਤੀਆਂ ਦੇ ਬਾਵਜੂਦ ਇਸ ਨਿੱਕੇ ਆਕਾਰ ਦੀ ਪੁਸਤਕ ਲਈ ਮੈਂ ਗੁਰਚਰਨ ਸਿੰਘ ਖ਼ਾਲਸਾ ਨੂੰ ਮੁਬਾਰਕ ਦਿੰਦਾ ਹਾਂ।
 ਅਕਾਲ ਯੂਨੀਵਰਸਿਟੀ, ਤਲਵੰਡੀ ਸਾਬੋ-151302 
    (ਬਠਿੰਡਾ)  9417692015.  
Have something to say? Post your comment
 

More Article News

ਦਲ ਖਾਲਸਾ ਦੇ 42 ਸਾਲ ----ਗਜਿੰਦਰ ਸਿੰਘ, ਦਲ ਖਾਲਸਾ । ਭਾਰਤੀ ਹਕੂਮਤ ਵੱਲੋ ਯੂਆਪਾ (UAPA)ਕਾਲੇ ਕਾਨੂੰਨ ਤਹਿਤ ਸਿੱਖ ਨੌਜਵਾਨਾਂ ਤੇ ਚਲਾਏ ਜਬਰ ਜ਼ੁਲਮ ਦੇ ਖ਼ਿਲਾਫ਼ ਹਿੰਦੁਸਤਾਨ ਦੀ ਅਖੌਤੀ ਅਜ਼ਾਦੀ 15 ਅਗਸਤ ਨੂੰ ਕਾਲੇ ਦਿਵਸ ਦੇ ਤੌਰਤੇ ਭਾਰਤੀ ਕੌਸਲੇਟ ਫਰੈਕਫੋਰਟ ਅੱਗੇ ਰੋਹ ਮੁਜ਼ਾਹਰੇ ਵਿੱਚ ਸ਼ਾਮਲ ਹੋਣ ਦੀ ਅਪੀਲ । ਨਿਧੜਕ ਸਮਾਜ ਸੁਧਾਰਕ ਲੇਖਕ ਦੇ ਤੌਰ 'ਤੇ ਆਪਣੀ ਵੱਖਰੀ ਪਹਿਚਾਣ ਬਣਾਉਣ ਵਾਲਾ ਲੇਖਕ: ਰਮੇਸ਼ਵਰ ਸਿੰਘ ਪਟਿਆਲਾ। ਕੀ ਗਊ ਦਾ ਗੋਬਰ ਖਾਣ ਅਤੇ ਮੂਤਰ ਪੀਣ ਦਾ ਕੋਈ ਫਾਇਦਾ ਹੈ? ਪਰਦੇਸੀ ਪੁੱਤ /ਪਿਰਤੀ ਸ਼ੇਰੋ ਸ਼ਰਾਬ ਮਾਫ਼ੀਆ ਪੰਜਾਬ ਵਿਚ ਮੌਤ ਦਾ ਸੌਦਾਗਰ ਬਣਕੇ ਬਹੁੜਿਆ / ਉਜਾਗਰ ਸਿੰਘ ਰੱਖੜੀ/ਅਮਰਜੀਤ ਕੌਰ ਵਿਰਕ ਜ਼ਿੰਦਗੀ ‘ਚ ਕਰੜੀ ਘਾਲਣਾ ਘਾਲਣ ਵਾਲੇ ਢਾਡੀ ਸਾਧੂ ਸਿੰਘ ਧੰਮੂ ਪੰਜਾਬ ਅਤੇ ਪੰਜਾਬੀ ਮਾਂ ਬੋਲੀ ਦੇ ਡਿੱਗ ਰਹੇ ਮਿਆਰ ਨੂੰ ਉੱਚਾ ਚੁੱਕਣ ਵਿੱਚ ਲੱਗਾ ਕਰਨਾਟਕ ਦਾ ਸਿਰਲੱਥ ਯੋਧਾ . ਪੰਡਿਤਰਾਓ ਧਰੇਨਵਰ ਕਈ ਸੰਸਥਾਵਾਂ ਦਾ ਬਾਨੀ- ਗੁਰਮੀਤ ਸਿੰਘ ਪਾਹੜਾ
-
-
-