Wednesday, November 20, 2019
FOLLOW US ON

Poem

ਗੰਧਲਾ ਪੰਜਾਬ //ਮੱਖਣ ਸ਼ੇਰੋਂ ਵਾਲਾ

October 23, 2019 09:52 PM
ਸਾਡੀ ਜਵਾਨੀ ਖੋਖਲੀ ਅਤੇ ਖਤਮ ਪਨੀਰੀਆ,
    ਧੜਕਣ ਰੋਕਣ ਸਾਡੀ ਓਹਨਾਂ ਨਾਲ ਸਕੀਰੀਆ,
            ਹਰ ਘਰੋਂ ਵੈਣ ਆਓਦੇ ਪਾਏ ਮਾਵਾਂ ਨੇ,,
ਜਿੱਥੇ ਸਿਵਿਆਂ ਦੀਆਂ ਭਰੀਆਂ ਰਾਹਵਾਂ ਨੇ,
                  ਜਿੱਥੇ ਅੱਜ ਦੇ ਜਵਾਕ ਬਣੇ ਵੈਲੀ ਡਾਕੂ ਨੇ,
ਜਵਾਨ ਪੁੱਤ ਦੀ ਅਰਥੀ ਚੁੱਕੀ ਬਾਪੂ ਨੇ,,
           ਕਿਸੇ ਦਾ ਪੁੱਤ ਅੰਦਰ ਕਿਸੇ ਦਾ ਬਾਹਰੇ ਆ,
ਜਿਸ ਦਾ ਘਰੇ ਓਹ ਨਸ਼ੇ ਸਹਾਰੇ ਆ,,
           ਪੈਂਦੀਆਂ ਕੂਕਾ ਪਿੰਡਾਂ ਚ ਹੱਥ ਗੁੱਤਾਂ ਨੇ,
ਕੁੱਟ ਮਾਪੇ ਘਰੋਂ ਕੱਢੇ ਜਿੱਥੇ ਪੁੱਤਾਂ ਨੇ,,
              ਨਾ ਕਿਧਰੇ ਰੌਣਕਾਂ ਨਾ ਠੱਠੇ ਹਾਸੇ ਆ,,
ਹਰ ਸੱਥ, ਵੀਹੀ,ਪੁਲੀ ਮੋੜ ਉਦਾਸੇ ਆ,,,
                    ਥੋਹਰ ਕਹੋ ਹੁਣ ਨਾ ਫੁੱਲ ਗੁਲਾਬ ਕਹੋ,
ਲਿਖਾਰੀਓ ਹਾੜੇ ਹੁਣ ਤਾਂ ਲਾ ਕੇ ਹਿਸਾਬ ਕਹੋ,
         ਉੱਜੜਿਆ ਪਿਆ ਪੰਜਾਬ ਸਿਓਂ ਕੋਈ ਸ਼ੱਕ ਨਹੀਂ,,
ਮੱਖਣ ਸ਼ੇਰੋਂ ਰੰਗਲਾ ਪੰਜਾਬ ਕਹਿਣ ਦਾ ਹੱਕ ਨਹੀਂ,
 ਮੱਖਣ ਸ਼ੇਰੋਂ ਵਾਲਾ
ਪਿੰਡ ਤੇ ਡਾਕ ਸ਼ੇਰੋਂ ਤਹਿ ਸੁਨਾਮ ਜਿਲ੍ਹਾ ਸੰਗਰੂਰ।
ਸੰਪਰਕ 98787-98726
Have something to say? Post your comment