News

ਨਿਊਜ਼ੀਲੈਂਡ ਪੁਲਿਸ 'ਚ ਤਿੰਨ ਸਾਲਾਂ ਦੌਰਾਨ 1800 ਪੁਲਿਸ ਅਫਸਰਾਂ ਦੀ ਭਰਤੀ ਦਾ ਟੀਚਾ ਪੂਰਾ

November 21, 2019 01:25 AM

ਪੁਲਿਸ ਭੱਜਦੀ ਹੀ ਨਹੀਂ..ਮੀਲ ਪੱਥਰ ਵੀ ਗੱਡਦੀ ਹੈ

ਨਿਊਜ਼ੀਲੈਂਡ ਪੁਲਿਸ 'ਚ ਤਿੰਨ ਸਾਲਾਂ ਦੌਰਾਨ 1800 ਪੁਲਿਸ ਅਫਸਰਾਂ ਦੀ ਭਰਤੀ ਦਾ ਟੀਚਾ ਪੂਰਾ

-2 ਭਾਰਤੀਆਂ ਸਮੇਤ 59 ਪੁਲਿਸ ਅਫਸਰਾਂ ਦੀ ਅੱਜ ਹੈ ਗ੍ਰੈਜੂਏਸ਼ਨ

-ਭਾਰਤੀ ਮੂਲ ਦੇ ਪੁਲਿਸ ਅਫਸਰਾਂ ਦੀ ਕੁੱਲ ਗਿਣਤੀ ਹੋਈ 119

ਔਕਲੈਂਡ 20 ਨਵੰਬਰ (ਹਰਜਿੰਦਰ ਸਿੰਘ ਬਸਿਆਲਾ)-ਅਕਤੂਬਰ 2017 ਦੇ ਵਿਚ ਪੁਲਿਸ ਵਿਭਾਗ ਦੇ ਵਿਚ 1800 ਨਵੇਂ ਪੁਲਿਸ ਅਫਸਰ (ਫਰੰਟਲਾਈਨ) ਭਰਤੀ ਕਰਨ ਦਾ ਟੀਚਾ ਰੱਖਿਆ ਗਿਆ ਸੀ ਅਤੇ ਅੱਜ ਜਾਰੀ ਪ੍ਰੈਸ ਨੋਟ ਦੇ ਵਿਚ ਵਿਭਾਗ ਨੇ ਇਸ ਗੱਲ ਦੀ ਖੁਸ਼ੀ ਪ੍ਰਗਟ ਕੀਤੀ ਹੈ ਕਿ ਉਨ੍ਹਾਂ ਨੇ ਇਹ ਟੀਚਾ ਪੂਰਾ ਕਰਕੇ ਇਕ ਮੀਲ ਪੱਥਰ ਸਥਾਪਿਤ ਕੀਤਾ ਹੈ। ਇਹ ਮੀਲ ਪੱਥਰ ਕਿਵੇਂ ਹੈ? ਇਸਦਾ ਮੁੱਖ ਕਾਰਨ ਹੈ ਕਿ ਪੁਲਿਸ ਦੇ ਵਿਚ ਭਰਤੀ ਹੋਣ ਲਈ ਵਿਦਿਅਕ ਯੋਗਤਾ ਦੇ ਨਾਲ-ਨਾਲ ਸਰੀਰਕ ਯੋਗਤਾ, ਤੈਰਾਕੀ ਦੀ ਯੋਗਤਾ ਅਤੇ ਡ੍ਰਾਈਵਿੰਗ ਦੀ ਯੋਗਤਾ ਇਕ ਉਚ ਦਰਜੇ ਤੱਕ ਹੋਣੀ ਜਰੂਰੀ ਹੁੰਦੀ ਹੈ। ਪੁਲਿਸ ਵਿਭਾਗ ਇਸ ਯੋਗਤਾ ਦੇ ਪਹੁੰਚਣ ਤੱਕ ਵੱਡੀ ਸਹਾਇਤਾ ਕਰਦਾ ਹੈ ਤੇ ਲੋਕ ਆਪਣਾ ਭਵਿੱਖ ਇਸ ਜਾਨਦਾਰ ਤੇ ਸ਼ਾਨਦਾਰ ਪੇਸ਼ੇ ਵਿਚ ਭਾਲਦੇ ਹਨ।
ਅੱਜ ਵਿੰਗ-332  ਦਲ ਦੀ ਗ੍ਰੈਜੂਏਸ਼ਨ ਵਲਿੰਗਟਨ ਸਥਿਤ ਪੁਲਿਸ ਸਕੂਲ ਪੋਰੀਰੁਆ ਦੇ ਵਿਚ 2 ਵਜੇ ਹੋ ਰਹੀ ਹੈ ਜਿਸ ਦੇ ਵਿਚ ਮਾਣਯੋਗ ਪ੍ਰਧਾਨ ਮੰਤਰੀ ਸ੍ਰੀਮਤੀ ਜੈਸਿੰਡਾ ਅਰਡਨ, ਉਪ ਪ੍ਰਧਾਨ ਮੰਤਰੀ ਸ੍ਰੀ ਵਿਨਸਟਨ ਪੀਟਰਜ਼, ਪੁਲਿਸ ਮੰਤਰੀ ਸਟੂਆਰਟ ਨਾਸ਼ ਅਤੇ ਪੁਲਿਸ ਕਮਿਸ਼ਨਰ ਮਾਈਕ ਬੁੱਸ਼ ਸ਼ਾਮਿਲ ਹੋਣਗੇ। ਇਸ ਪਾਸਿੰਗ ਗਰੁੱਪ ਦੇ ਵਿਚ 59 ਪੁਲਿਸ ਅਫਸਰ ਗ੍ਰੈਜੂਏਸ਼ਨ ਪ੍ਰਾਪਤ ਕਰਨਗੇ ਜਿਸ ਦੇ ਵਿਚ ਦੋ ਭਾਰਤੀ ਮੂਲ ਦੇ ਨੌਜਵਾਨ ਵੀ ਸ਼ਾਮਿਲ ਹਨ ਜਿਨ੍ਹਾਂ ਦੀ ਪੁਸ਼ਟੀ ਇਸ ਪੱਤਰਕਾਰ ਨੇ ਵਿਭਾਗ ਨੂੰ ਈਮੇਲ ਅਤੇ ਫੋਨ ਕਰਕੇ ਪ੍ਰਾਪਤ ਕੀਤੀ। ਹੋਰ ਪ੍ਰਾਪਤ ਜਾਣਕਾਰੀ ਦੇ ਅਨੁਸਾਰ ਇਸ ਵੇਲੇ ਨਿਊਜ਼ੀਲੈਂਡ ਪੁਲਿਸ ਦੇ ਵਿਚ 117 ਭਾਰਤੀ ਮੂਲ ਦੇ ਮੁੰਡੇ ਕੁੜੀਆਂ ਕਾਂਸਟੇਬਲ, ਸਰਜਾਂਟ, ਇੰਸਪੈਕਟਰ ਤੇ ਪ੍ਰਿੰਸੀਪਲ ਅਡਵਾਈਜ਼ਰ ਅਤੇ ਹੋਰ ਦਫਤਰੀ ਵਜੋਂ ਸੇਵਾਵਾਂ ਨਿਭਾਅ ਰਹੇ ਹਨ ਅਤੇ ਹੁਣ ਇਹ ਅੰਕੜਾ 119 ਹੋ ਜਾਵੇਗਾ। ਅੱਜ ਹੋ ਰਹੀ ਇਸ ਗ੍ਰੈਜੂਏਸ਼ਨ ਪ੍ਰੇਡ ਦੇ ਵਿਚ ਦੋ ਅਜਿਹੇ ਪੁਲਿਸ ਅਫਸਰ ਆਪਣੀ ਵਿਥਿਆ ਸੁਨਾਉਣਗੇ ਜਿਨ੍ਹਾਂ ਨੂੰ ਪੁਲਿਸ ਦੇ ਵਿਚ ਭਰਤੀ ਹੋਣ ਦੇ ਵਿਚ ਐਨੀ ਦਿੱਕਤ ਆਈ ਕਿ ਪੁੱਛੋ ਨਾ....ਪਰ ਉਨ੍ਹਾਂ ਹੌਂਸਲਾ ਨਹੀਂ ਛੱਡਿਆ ਅਤੇ ਭਰਤੀ ਹੋ ਕੇ ਹੀ ਹਟੇ। ਇਕ ਦੀ ਤਾਂ ਨਜ਼ਰ ਵੀ ਥੋੜ੍ਹੀ ਕਮਜ਼ੋਰ, ਡ੍ਰਾਈਵਿੰਗ ਲਾਈਸੰਸ ਵੀ ਨਹੀਂ, ਤੈਰਾਕੀ ਵੀ ਨਹੀਂ ਪਰ ਫਿਰ ਵੀ ਉਸਨੇ ਇਕ-ਇਕ ਕਰਕੇ ਆਪਣੀ ਯੋਗਤਾ ਬਰਾਬਰ ਕਰ ਲਈ। ਅੱਜ ਅਜਿਹੇ ਹੀ ਪੁਲਿਸ ਅਫਸਰਾਂ ਨੂੰ ਮੌਕੇ ਉਤੇ ਸਨਮਾਨਿਤ ਵੀ ਕੀਤਾ ਜਾ ਰਿਹਾ ਹੈ। ਨਵੇਂ ਪੁਲਿਸ ਮੁਲਾਜ਼ਮਾਂ ਨੂੰ ਪਾਸਿੰਗ ਪ੍ਰੇਡ ਤੋਂ ਬਾਅਦ ਇਕ ਹਫਤੇ ਦੀ ਛੁੱਟੀ ਹੋਵੇ ਅਤੇ ਉਹ ਫਿਰ ਤਰੋ ਤਾਜ਼ਾ ਹੋ ਕੇ ਆਪਣੀ ਡਿਊਟੀ ਸੰਭਾਲ ਲੈਣਗੇ। ਨਵੇਂ ਮੁਲਾਜਮਾਂ ਦੇ ਵਿਚੋਂ ਕਾਊਂਟੀਜ਼ ਮੈਨਕਾਓ ਦੇ ਲਈ 13, ਔਕਲੈਂਡ ਦੇ ਲਈ 6 ਅਤੇ ਵਲਿੰਗਟਨ ਦੇ ਲਈ 6, ਨਰਾਥਲੈਂਡ ਲਈ 2, ਵਾਇਟੀਮਾਟਾ ਲਈ 9, ਵਾਇਕਾਟੋ ਲਈ 3, ਬੇਅ ਆਫ ਪਲੈਂਟੀ ਲਈ 5, ਈਸਟਨਰਨ ਲਈ 2, ਸੈਂਟਰਲ 3, ਟੈਸਮਨ ਲਈ 1, ਕੈਂਟਰਬਰੀ ਲਈ 6 ਅਤੇ ਸਦਰਨ ਲਈ 3 ਪੁਲਿਸ ਮੁਲਾਜ਼ਮ ਹੋਣਗੇ।  1840 ਦੇ ਵਿਚ ਨਿਊਜ਼ੀਲੈਂਡ ਪੁਲਿਸ ਦੀ ਸ਼ੁਰੂਆਤ ਹੋਈ ਸੀ ਅਤੇ ਇਸ ਵੇਲੇ ਪੁਲਿਸ ਦੇ ਵਿਚ 2000 ਤੋਂ ਵੱਧ ਮਹਿਲਾ ਪੁਲਿਸ ਮੁਲਾਜਮ ਹਨ ਅਤੇ ਕੁੱਲ 14,000 ਤੋਂ ਉਤੇ ਮੁਲਾਜ਼ਮ ਹਨ।

Have something to say? Post your comment

More News News

ਮਾਨਸਾ ਤੋ ਹੋ ਸਕਦੀ ਹੈ ਆਮ ਆਦਮੀ ਪਾਰਟੀ ਦੀ ਉਮੀਦਵਾਰ ਗਾਇਕਾ ਅਨਮੋਲ ਗਗਨ ਮਾਨ ਕ੍ਰਾਈਸਟਚਰਚ ਨਰਸੰਹਾਰ: ਕਰੋਨਾ ਨੇ ਵਿਸ਼ਵ ਦਾ ਆਰਥਕ ਸੰਕਟ ਹੋਰ ਵਧਾਇਆ -ਬਚਣ ਲਈ ਜਨਤਕ ਖੇਤਰ ਨੂੰ ਤਰਜੀਹ ਦੇਣ ਦੀ ਲੋੜ -ਡਾ ਗਿਆਨ ਸਿੰਘ हज़ारों किसानों ,मजदूरों ,औरतों द्वारा कृषि सुधार के नाम पर किये गए तीन ऑर्डिनेंस व बिजली सोध बिल 2020 के विरोध में अनाज मंडी जंडियाला गुरु में विशाल प्रदर्शन किया। ਬੱਬੂ ਮਾਨ ਦਾ ਲੈਜਡ ' ਗਾਣੇ ਨੂੰ ਸ਼ਰੋਤਿਆਂ ਵੱਲੋਂ ਦਿੱਤਾ ਜਾ ਰਿਹਾ ਭਰਪੂਰ ਹੁੰਗਾਰਾ-ਸੁਖਜੀਤ ਜਵਾਹਰਕੇ ਕਿਸਾਨ ਮਜ਼ਦੂਰ ਵਿਰੋਧੀ 3 ਆਰਡੀਨੈਂਸ,ਤੇ ਬਿਜਲੀ ਸੋਧ ਬਿੱਲ 2020 ਨੂੰ ਰੱਦ ਕਰਨ ਸਬੰਧੀ, ਭਵਿੱਖ ਨੂੰ ਉਜਵਲ ਕਰਨ ਸਕੂਲ ਬੰਦ ਤੇ ਜਿੰਮ ਬੰਦ ਲੇਕਿਨ ਸਰਕਾਰ ਵੱਲੋਂ ਸ਼ਰਾਬ ਦੇ ਠੇਕੇ ਖੋਲ੍ਹਣ ਦੀ ਮਨਜ਼ੂਰੀ ਦਿੱਤੀ ਗਈ ਹੈ ਹਰ ਸਾਲ ਅਨੇਕਾਂ ਗਲ਼ੀਆਂ ਦੇ ਵਾਸੀ ਨਰਕ ਭਰੀ ਜਿੰਦਗੀ ਬਰਸਾਤੀ ਦਿਨਾਂ ਵਿੱਚ ਤਾਂ ਕੱਟ ਦੇ ਹਨ , ਆਮ ਦਿਨਾਂ ਚੋਂ ਵੀ ਨਰਕ ਭੋਗਦੇ ਹਨ , ਅਧਿਕਾਰੀ ਗੌਰ ਨੀ ਕਰਦੇ ਕੈਬਿਨਟ ਮੰਤਰੀ ਸੋਨੀ ਨੇ ਵਾਰਡ ਨੰ: ਸ਼੍ਰੀ ਦੁਰਗਾ ਮਾਤਾ ਮੰਦਿਰ ਵਿੱਚ ਦੀ ਬੈਟਰੀ ਦੀ ਸੇਵਾ।
-
-
-