Saturday, January 18, 2020
FOLLOW US ON

Entertainment

ਪਰਿਵਾਰਕ ਸਾਂਝਾਂ ਅਤੇ ਰਿਸ਼ਤਿਆਂ ਦੀ ਅਹਿਮੀਅਤ ਨੂੰ ਪਰਦੇ ਤੇ ਪੇਸ਼ ਕਰੇਗੀ ਫ਼ਿਲਮ 'ਤੂੰ ਮੇਰਾ ਕੀ ਲੱਗਦਾ'

December 01, 2019 02:12 PM

ਪਰਿਵਾਰਕ ਸਾਂਝਾਂ ਅਤੇ ਰਿਸ਼ਤਿਆਂ ਦੀ ਅਹਿਮੀਅਤ ਨੂੰ ਪਰਦੇ ਤੇ ਪੇਸ਼ ਕਰੇਗੀ ਫ਼ਿਲਮ 'ਤੂੰ ਮੇਰਾ ਕੀ ਲੱਗਦਾ'

ਹਰਜੀਤ ਹਰਮਨ ਪੰਜਾਬੀ ਅਤੇ ਪੰਜਾਬੀਅਤ ਦਾ ਮਾਣ ਵਧਾਉਣ ਵਾਲਾ ਸੱਭਿਆਚਾਰਿਕ ਫਨਕਾਰ ਹੈ।ਆਪਣੇ ਨਾਮ ਵਰਗੀ ਹੀ ਹਰਮਨ ਪਿਆਰੀ ਆਵਾਜ ਵਿੱਚ ਗਾਏ ਜਾਦੇਂ ਉਸ ਦੇ ਉਸਦੇ ਗੀਤ ਸੱਜਰੀ ਸਵੇਰ ਦੀ ਕੋਸੀ ਧੁੱਪ ਵਰਗੇ ਹੁੰਦੇ ਹਨ ਜੋ ਕਦੇ ਵੀ ਸੱਭਿਆਚਾਰ ਦੇ ਘੇਰੇ ਤੋ ਬਾਹਰ ਨਹੀ ਹੁੰਦੇ। ਉਸਦੀ ਪਰਿਵਾਰਿਕ ਗਾਇਕੀ ਨੇ ਦਰਸ਼ਕਾਂ ਦੇ ਦਿਲਾਂ 'ਚ ਇੱਕ ਵਿਸ਼ੇਸ਼ ਜਗ੍ਹਾ ਬਣਾਈ ਹੋਈ ਹੈ।ਜਦਂੋ ਵੀ ਕਿਤੇ ਸੱਭਿਆਚਾਰਿਕ ਗਾਇਕੀ ਦੀ ਗੱਲ ਤੁਰਦੀ ਹੈ ਤਾਂ ਹਰਜੀਤ ਹਰਮਨ ਦਾ ਨਾਮ ਆਪ ਮੁਹਾਰੇ ਹੀ ਅੱਗੇ ਆ ਜਾਦਾ ਹੈ।ਦੌਰ ਚਾਹੇ ਜਿਹੋ ਜਾ ਵੀ ਰਿਹਾ ਹੋਵੇ।ਉਸਨੇ ਆਪਣੇ ਗਾਉਣ ਦੇ ਤਰੀਕੇ ਅਤੇ ਸਲੀਕੇ ਵਿੱਚ ਕੋਈ ਬਦਲਾਅ ਨਹੀ ਲਿਆਦਾਂ।ਜਿਸਦੀ ਬਦੌਲਤ ਉਹ ਅਜੋਕੇ ਦੌਰ ਦਾ ਸਿਰਮੌਰ ਗਾਇਕ ਹੈ।ਪਾਏਦਾਰ ਗਾਇਕੀ ਦੇ ਮਾਲਕ ਇਸ ਗਾਇਕ ਨੇ ਜਦੋ ਫਿਲਮ 'ਕੁੜਮਾਈਆਂ' ਰਾਹੀਂ ਬਤੌਰ ਹੀਰੋ ਪਾਲੀਵੁੱਡ ਵਿੱਚ ਪ੍ਰਵੇਸ਼ ਕੀਤਾ ਤਾਂ ਦਰਸ਼ਕਾਂ ਨੇ ਉਸਦੇ ਫਿਲਮੀ ਅੰਦਾਜ਼ ਨੂੰ ਚੰਗਾ ਹੁੰਗਾਰਾ ਦਿੱਤਾ।ਜਿਸਦੇ ਫਲਸਰੂਪ ਹਰਜੀਤ ਹਰਮਨ ਇੱਕ ਵਾਰ ਫਿਰ ਆਪਣੀ ਨਵੀ ਫਿਲਮ 'ਤੂੰ ਮੇਰਾ ਕੀ ਲੱਗਦਾ' ਰਾਹੀ ਬਤੌਰ ਹੀਰੋ ਵੱਡੇ ਪਰਦੇ ਤੇ ਨਜ਼ਰ ਆਉਣ ਜਾ ਰਿਹਾ ਹੈ।ਵਿਨਰਜ਼ ਫਿਲਮ ਪ੍ਰੋਡਕਸ਼ਨ ਦੇ ਬੈਨਰ ਹੇਠ ਬਣ ਰਹੀ ਇਸ ਫਿਲਮ ਦਾ ਨਿਰਦੇਸ਼ਣ ਬੇਹਤਰੀਨ ਅਦਾਕਾਰ ਗੁਰਮੀਤ ਸਾਜਨ ਅਤੇ ਮਨਜੀਤ ਸਿੰਘ ਟੋਨੀ ਵੱਲੋ ਕੀਤਾ ਜਾ ਰਿਹਾ ਹੈ। ਇਸ ਫ਼ਿਲਮ ਬਾਰੇ ਗੱਲ ਕਰਦਿਆਂ ਗਾਇਕ-ਅਦਾਕਾਰ ਹਰਜੀਤ ਹਰਮਨ ਨੇ ਦੱਸਿਆ ਕਿ ਇਹ ਫਿਲਮ ਮੌਜੂਦਾ ਪੰਜਾਬੀ ਸਿਨੇਮੇ 'ਚ ਬਿਲਕੁੱਲ ਨਿਵੇਕਲੇ ਵਿਸ਼ੇ ਦੀ ਕਹਾਣੀ ਹੈ ਜੋ ਪਿਆਰ ਮੁਹੱਬਤ, ਹਾਸਿਆਂ-ਠੱਠਿਆਂ ਅਤੇ ਭਾਵੁਕਤਾ ਭਰੀ ਪਰਿਵਾਰਕ ਸਾਂਝਾਂ ਅਤੇ ਰਿਸ਼ਤਿਆਂ ਦੀ ਅਹਿਮੀਅਤ ਬਾਰੇ ਦੱਸਦੀ ਹੈ। ਇਹ ਫ਼ਿਲਮ ਪਿਆਰ ਮੁੱਹਬਤ ਵਿੱਚ ਦੀਵਾਰ ਬਣੀ ਸਮਾਜਿਕ ਸੋਚ, ਜਾਤ ਪਾਤ ਅਤੇ ਪੈਸੇ ਨਾਲ ਬਣੀ ਊਚ ਨੀਚਤਾ ਨੂੰ  ਢਾਹੁੰਦੀ ਸੱਚੇ ਦਿਲਾਂ ਦੀ ਗਵਾਹੀ ਭਰਦੀ ਇੱਕ ਰੂਮਾਂਟਿਕ ਅਤੇ ਭਾਵਨਾਤਮਕ ਵਿਸ਼ੇ ਦੀ ਕਹਾਣੀ ਹੈ ਜੋ ਦਰਸ਼ਕਾ ਦਾ ਹਰ ਪੱਖੋਂ ਭਰਪੂਰ ਮਨੋਰੰਜਨ ਕਰੇਗੀ।
ਦਰਸ਼ਕ ਉਸਦੀ ਪਹਿਲੀ ਫ਼ਿਲਮ ਵਾਂਗ ਇਸ ਨੂੰ ਹੋਰ ਵੀ ਜਿਆਦਾ ਪਿਆਰ ਦੇਣਗੇ।ਇਸ ਫ਼ਿਲਮ ਵਿਚ ਪੰਜਾਬੀ ਗਾਇਕ-ਅਦਾਕਾਰ ਹਰਜੀਤ ਹਰਮਨ ਤੇ ਸੇਫ਼ਾਲੀ ਸ਼ਰਮਾ ਦੀ ਜੋੜੀ ਮੁੱਖ ਭੂਮਿਕਾ ਵਿੱਚ ਹੈ ਜਦਕਿ ਬਾਕੀ ਕਲਾਕਾਰਾਂ ਵਿੱਚ ਯੋਗਰਾਜ ਸਿੰਘ,ਗੁਰਮੀਤ ਸਾਜਨ, ਗੁਰਪ੍ਰੀਤ ਕੌਰ ਭੰਗੂ , ਪ੍ਰਿੰਸ ਕੰਵਲਜੀਤ, ਨਿਸ਼ਾ ਬਾਨੋਂ, ਹਰਪਾਲ ਸਿੰਘ, ਜਸ਼ਨਜੀਤ ਗੋਸ਼ਾ, ਨੀਟਾ ਤੰਬੜਭਾਨ, ਪਰਮ ਸਿੱਧੂ, ਪ੍ਰਵੀਨ ਅਖ਼ਤਰ, ਹਨੀ ਮੱਟੂ, ਸਤਵੰਤ ਕੌਰ, ਨਰਿੰਦਰ ਨੀਨਾ, ਮਿੰਟੂ ਜੱਟ ਤੇ ਚਾਚਾ ਬਿਸ਼ਨਾ ਨੇ ਅਹਿਮ ਕਿਰਦਾਰ ਨਿਭਾਏ ਹਨ। ਇਸ ਤੋਂ ਇਲਾਵਾ ਰਵਿੰਦਰ ਗਰੇਵਾਲ ਤੇ ਜਸਪਿੰਦਰ ਚੀਮਾ ਵੀ ਵਿਸ਼ੇਸ ਭੂਮਿਕਾਵਾਂ 'ਚ ਨਜ਼ਰ ਆਉਣਗੇ।  ਇਸ ਫ਼ਿਲਮ 'ਚ ਲਾਡੀ ਗਿੱਲ, ਅਤੁਲ ਸ਼ਰਮਾ, ਇਕਵਿੰਦਰ ਸਿੰਘ ਤੇ ਡੀ ਜੇ ਸਟ੍ਰਿੰਗ ਵਲੋਂ ਦਿੱਤਾ ਸੰਗੀਤ ਬਹੁਤ ਹੀ ਦਿਲਚਸਪ ਹੈ।ਪ੍ਰਸਿੱਧ ਗੀਤਕਾਰ ਬਚਨ ਬੇਦਿਲ, ਹਰਮਨਜੀਤ,ਆਰ ਨੈਤ, ਅਮਰਪ੍ਰੀਤ ਬਾਜਵਾ ਤੇ ਬਿੱਟੂ ਮਹਿਲਕਲਾਂ ਦੇ ਲਿਖੇ ਗੀਤਾਂ ਨੂੰ ਹਰਜੀਤ ਹਰਮਨ, ਨਿੰਜਾ, ਆਰ ਨੈਤ, ਸਿਪਰਾ ਗੋਇਲ ਤੇ ਸੁਦੇਸ਼ ਕੁਮਾਰੀ ਨੇ ਪਲੇਅ ਬੈਕ ਗਾਇਆ ਹੈ। ਇਸ ਫ਼ਿਲਮ ਦੇ ਲੇਖਕ ਅਤੇ ਨਿਰਮਾਤਾ -ਨਿਰਦੇਸ਼ਕ ਗੁਰਮੀਤ ਸਾਜਨ ਤੇ ਮਨਜੀਤ ਸਿੰਘ ਟੋਨੀ ਹਨ। ਸਹਿ ਨਿਰਮਾਤਾ ਸਤਨਾਮ ਬਤੱਰਾ ਤੇ  ਗੁਰਮੀਤ ਸਿੰਘ, ਭੋਲਾ ਲਾਇਲਪੁਰੀਆ ਹਨ। ਹੈਪੀ ਗੋਇਲ, ਬਾਗੀ ਸੰਧੂ ਰੁੜਕਾ ਕਲਾਂ ( ਯੂ ਕੇ) ਇਸ ਫ਼ਿਲਮ ਦੇ ਐਸੋਸੀਏਟ ਪ੍ਰੋਡਿਊਸਰ ਹਨ। ਇਹ ਫ਼ਿਲਮ ੬ ਦਸੰਬਰ ਨੂੰ ਰਿਲੀਜ਼ ਕੀਤੀ ਜਾ ਰਹੀ ਹੈ।    
ਹਰਜਿੰਦਰ ਸਿੰਘ  

Have something to say? Post your comment

More Entertainment News

ਖਾਨ ਬ੍ਰਦਰਜ਼ ਦਾ ਟਰੈਕ ‘ਤੇਰੀ ਝਾਂਜਰ’ ਬਣਿਆ ਹਰ ਵਰਗ ਦੀ ਪਸੰਦ ਹੁਸਨ’ ਗੀਤ ਨੂੰ ਸਰੋਤਿਆਂ ਵੱਲੋਂ ਮਿਲ ਰਿਹਾ ਭਰਵਾਂ ਹੁੰਗਾਰਾ – ਗੀਤਕਾਰ ਜਗਤਾਰ ਰਾਈਆਂ ਵਾਲਾ ਐਲਬਮ ਲੌਕਟ 2 ਦੇ ਵਿਚਲੇ ਗਾਣੇ" ਲਲਕਾਰੇ " ਨੂੰ ਸ਼ਰੋਤਿਆਂ ਵੱਲੋਂ ਭਰਪੂਰ ਹੁੰਗਾਰਾ -- ਜੱਗੀ ਜੌੜਕੀਆ ਗਾਇਕਾ ਰਜਨੀ ਅਟਵਾਲ ਦਾ ਨਵਾ ਗਾਣਾ " ਕਮੀਆ" ਜਲਦ ਹੋ ਰਿਹਾ ਰਿਲੀਜ਼ ਨਾਇਕਾ ਬਣ ਕੇ ਸਥਾਪਤੀ ਵੱਲ ਵਧ ਰਹੀ ਤਾਨੀਆ ਛਿੰਦਾ ਧਾਲੀਵਾਲ ਕੁਰਾਈ ਵਾਲਾ ਦੀ ਫਿਲਮ ‘ਬੰਦ ਮੁੱਠੀ’ ਰਿਲੀਜ਼ ਦਰਸ਼ਕਾਂ ਦੇ ਦਿਲਾਂ ਨੂੰ ਛੂਹ ਰਿਹੈ ਫ਼ਿਲਮ 'ਸੁਫਨਾ' ਦਾ ਖੂਬਸੂਰਤ ਗੀਤ 'ਕਬੂਲ ਏ' ਕੁਝ ਵੱਖਰੇ ਵਿਸ਼ਿਆਂ 'ਤੇ ਝਾਤ ਪਾਉਂਦੀ ਹੈ ਫਿਲਮ 'ਪੁੱਠੇ ਪੈਰਾਂ ਵਾਲ਼ਾ'!" ਸ਼ਿਵਚਰਨ ਜੱਗੀ ਕੁੱਸਾ ਦਿਲਜੋਤ' ਦੀ ਪੰਜਾਬੀ ਫਿਲਮ 'ਖਤਰੇ ਦਾ ਘੁੱਗੂ' ਨਾਲ ਪੰਜਾਬੀ ਪਰਦੇ 'ਤੇ ਮੁੜ ਵਾਪਸੀ ਜ਼ੋਰਾ-ਦਾ ਸੈਕਿੰਡ ਚੈਪਟਰ' ਦੇ ਟੀਜ਼ਰ ਨੂੰ ਦਰਸ਼ਕਾਂ ਦਾ ਭਰਵਾਂ ਹੁੰਗਾਰਾਂ
-
-
-