Saturday, September 26, 2020
FOLLOW US ON
BREAKING NEWS
ਕਿਰਤੀ ਅਤੇ ਮਿਹਨਤੀ ਕਿਸਾਨ ਪੰਜਾਬ ਦੇ ਸਾਰੇ ਮਸਲਿਆਂ ਦੇ ਹੱਲ ਨੂੰ ਪੰਜਾਬ ਦੀ ਆਜ਼ਾਦੀ ਵਿੱਚੋਂ ਦੇਖਣ: ਹਰਦੀਪ ਸਿੰਘ ਨਿੱਝਰਪੰਜਾਬ ਆਜ਼ਾਦੀ ਬਗੈਰ ਬਚ ਨਹੀਂ ਸਕਦਾ ਅੱਜ ਨਹੀਂ ਭਲਕੇ ਪੰਜਾਬੀਆਂ ਨੂੰ ਇਸ ਗੱਲ ਤੇ ਸਹਿਮਤ ਹੋਣਾ ਹੀ ਪਵੇਗਾ: ਸੁਰਿੰਦਰ ਸਿੰਘ  ਭਾਰਤ ਦੀ ਪਾਲਿਸੀ ਪੰਜਾਬ ਦੀ ਕਿਸਾਨੀ ਨੌਜਵਾਨੀ ਨੂੰ ਤਬਾਹ ਕਰਨਾ ਹੈ ਅੱਜ ਬਲਵੰਤ ਸਿੰਘ ਮੁਲਤਾਨੀ ਕਤਲ ਕੇਸ ਵਿੱਚ ਡਾਕਟਰ ਭਗਵਾਨ ਸਿੰਘ ਵੱਲੋਆਪਣੇ ਬਿਆਨ ਦਰਜ ਕਰਵਾਏ ਫੈਡਰੇਸ਼ਨ ਆਫ ਸਿੱਖ ਆਰਗੇਨਾਈਜੇਸ਼ਨਜ਼ ਯੂ,ਕੇ ਵਲੋਂ ਕਿਸਾਨਾਂ ਦੁਆਰਾ ਪੰਜਾਬ ਬੰਦ ਦਾ ਡੱਟ ਕੇ ਸਮਰਥਨਖੇਤੀ ਆਰਡੀਨੈਂਸ ਲਿਆ ਕੇ ਨਰਿੰਦਰ ਮੋਦੀ ਅੱਗ ਨਾਲ ਖੇਡ ਰਿਹਾ -ਸਿੱਖ ਲੀਗਲ ਵਿੰਗ ਪੰਜਾਬਡੋਨਾਲਡ ਟਰੰਪ ਨੂੰ ਸੰਬੋਧਿਤ ਮਾਰੂ ਜ਼ਹਿਰ ਰੀਕਿਨ ਵਾਲਾ ਪੱਤਰ ਵ੍ਹਾਈਟ ਹਾਉਸ ਆਇਆ, ਜਾਂਚ ਚੱਲ ਰਹੀ ਹੈ ।

Poem

ਪੰਜਾਬ ਦੀ ਹਾਲਤ/ਕੰਵਲਜੀਤ ਕੌਰ 'ਬਟਾਲਵੀ'

January 08, 2020 08:33 PM

ਪੰਜਾਬ ਦੀ ਹਾਲਤ/ਕੰਵਲਜੀਤ ਕੌਰ 'ਬਟਾਲਵੀ'


ਕਿੰਝ ਲਿਖਾਂ ਹੁਣ ਮੇਰੇ ਪੰਜਾਬ ਦੀ ਹਾਲਤ,
ਹੋ ਗਈ ਬੜੀ ਮਾੜੀ ਵੇ ਲੋਕੋ !
ਇੱਥੇ ਕੰਮ ਕਰਕੇ ਵੀ ਨਾ ਮਿਲਦੀ,
ਮਜ਼ਦੂਰ ਨੂੰ ਪੂਰੀ ਦਿਹਾੜੀ ਵੇ ਲੋਕੋ !
ਪੁੱਤਰਾਂ ਦੀ ਤਾਂਘ 'ਚ ਮਾਵਾਂ ਜਾਂਦੀਆਂ
ਕੁੱਖ ਵਿੱਚ ਧੀਆਂ ਮਾਰੀ ਵੇ ਲੋਕੋ !
ਕਿਸੇ ਨੇ ਧੀ ਵਿਆਹੀ ਕਰਜ਼ਾ ਲੈ ਕੇ,
ਕਿਸੇ ਨੇ ਦਾਜ ਦੀ ਬਲੀ ਚਾੜੀ ਵੇ ਲੋਕੋ !
ਕੋਈ ਸੁਣਦਾ ਨਹੀਂ ਪੁਕਾਰ ਇਸ ਦੀ,
ਦੱਸੋ ਕੀ ਕਰੇ ਧੀ ਵਿਚਾਰੀ ਵੇ ਲੋਕੋ !
ਮਾਪਿਆਂ ਦੀ ਖ਼ੁਸ਼ੀ ਖ਼ਾਤਿਰ ਧੀ ਜਾਵੇ
ਆਪਣੇ ਸਾਰੇ ਸ਼ੌਂਕ ਮਾਰੀ ਵੇ ਲੋਕੋ !
ਇੱਥੇ ਤਰਸਦੇ ਕਈ, ਘਰ ਵਸਾਉਣ ਨੂੰ,
ਕੋਈ ਵੱਸਿਆ ਘਰ ਜਾਂਦੇ ਉਜਾੜੀ ਵੇ ਲੋਕੋ !
ਕਿਤੇ ਅਮੀਰ, ਹੋਰ ਅਮੀਰ ਹੋਈ ਜਾਂਦੇ,
ਕਿਤੇ ਮਿਲੇ ਨਾ ਸਾਉਣੀ-ਹਾੜੀ ਵੇ ਲੋਕੋ!
ਲੈ ਡਿਗਰੀਆਂ ਵੀ ਰੁਜ਼ਗਾਰ ਨਾ ਮਿਲਦਾ,
ਪੱਲੇ ਰਹਿ ਗਈ ਖੱਜਲ-ਖੁਆਰੀ ਵੇ ਲੋਕੋ !
ਉੱਚੇ ਅਹੁਦੇ ਲੈ ਜਾਂਦੇ ਪੈਸੇ ਵਾਲੇ,
ਗੁਣਵਾਨ ਕਰਦੇ ਸੰਘਰਸ਼ ਉਮਰ ਸਾਰੀ ਵੇ ਲੋਕੋ !
ਵੋਟਾਂ ਵੇਲੇ ਜੋ ਘਰ-ਘਰ ਨੇ ਫਿਰਦੇ ,
ਜਿੱਤਕੇ ਪੁੱਛਣ ਨਾ ਮੰਤਰੀ ਸਰਕਾਰੀ ਵੇ ਲੋਕੋ !
ਕੋਈ ਫ਼ਿਕਰ ਨਾ ਗ਼ਰੀਬ ਦੀ ਢਹਿੰਦੀ ਕੁੱਲੀ ਦਾ,
ਆਪਣੇ ਮਹਿਲ ਹੀ ਜਾਂਦੇ ਉਸਾਰੀ ਵੇ ਲੋਕੋ !
ਕਿਉਂ ਮਤਲਬੀ ਹੋ ਗਏ 'ਬਟਾਲਵੀ' ਲੋਕ,
ਸਮਝ ਆਵੇ ਨਾ ਮੈਨੂੰ ਦੁਨੀਆਦਾਰੀ ਵੇ ਲੋਕੋ !
ਕੰਵਲਜੀਤ ਕੌਰ 'ਬਟਾਲਵੀ'
ਪਿੰਡ ਖਤੀਬ, ਡਾ. ਤੇ ਤਹਿ. ਬਟਾਲਾ, (ਗੁਰਦਾਸਪੁਰ) 8146101668

Have something to say? Post your comment