ਅੱਜ ਰਿਲੀਜ਼ ਹੋਵੇਗਾ, ਗਾਇਕ ਜਾਨਜੀਤ ਦਾ ਟਰੈਕ ‘ਰੂਹ-ਦੀ ਪੇਨ ਆਫ ਲਵ’
ਬਠਿੰਡਾ 5 ਮਈ (ਗੁਰਬਾਜ ਗਿੱਲ) -ਸੰਗੀਤ ਦੀ ਦੁਨੀਆਂ ਵਿੱਚ ਆਪਣੀ ਆਵਾਜ਼ ਤੇ ਅੰਦਾਜ਼ ਨਾਲ ਦਰਸ਼ਕਾਂ ਦਾ ਦਿਲ ਜਿੱਤ ਲੈਣ ਵਾਲੇ ਗਾਇਕ ਜਾਨਜੀਤ ਦਾ ਨਵਾਂ ਟਰੈਕ ‘ਰੂਹ-ਦੀ ਪੇਨ ਆਫ ਲਵ’ ਅੱਜ 6 ਮਈ ਨੂੰ ਕੇ 2 ਰਿਕਾਰਾਡਜ਼ ਵੱਲੋਂ ਬੜੇ ਪੱਧਰ ‘ਤੇ ਵਰਲਡ ਵਾਈਡ ਰਿਲੀਜ਼ ਕੀਤਾ ਜਾਵੇਗਾ। ਗਾਇਕ ਜਾਨਜੀਤ ਨੇ ਆਪਣੇ ਇਸ ਨਵੇਂ ਟਰੈਕ ਬਾਰੇ ਜਾਣਕਾਰੀ ਦਿੰਦਿਆ ਦੱਸਿਆ ਕਿ ‘ਇਸ ਗੀਤ ਨੂੰ ਨਿੰਮਾ ਛਾਪਰੀ ਤੇ ਮੇਰੇ (ਜਾਨਜੀਤ) ਵੱਲੋਂ ਮਿਲ ਕੇ ਲਿਖਿਆ ਗਿਆ ਹੈ। ਜਿਸ ਦਾ ਮਿਊਜ਼ਿਕ ਐਮ ਵੀਰ ਨੇ ਬੜੀ ਰੂਹ ਨਾਲ ਤਿਆਰ ਕੀਤਾ ਹੈ। ਪ੍ਰੋਡਿਊਸਰ ਮਨੋਹਰ ਕਰਾਂਤੀ ਜੀ ਦੀ ਰਹਿਨੁਮਾਈ ਵਿੱਚ ਇਸ ਪ੍ਰੋਜੈਕਟ ਦਾ ਵੀਡੀਓ ਡੀ ਆਰ ਭੱਟੀ ਵੱਲੋਂ ਗੀਤ ਦੀ ਡੀਮਾਂਡ ਅਨੁਸਾਰ ਵੱਖ-ਵੱਖ ਖੂਬਸੂਰਤ ਲੋਕੇਸ਼ਨਾਂ ‘ਤੇ ਫਿਲਮਾਂਕਣ ਕਰਕੇ ਤਿਆਰ ਕੀਤਾ ਗਿਆ ਹੈ। ਜਿਸ ਦੀ ਸਟੋਰੀ ਤੇ ਮੇਕਓਵਰ ਆਰ ਕੇ ਸੱਗੂ ਵੱਲੋਂ ਕੀਤੀ ਗਈ ਹੈ ਅਤੇ ਡੀਜਾਈਨ ਅਕਾਸ਼ ਤੇ ਪੋਸਟਰ (ਐਡੀਟਿੰਗ ਜੋਨ) ਵੀ ਕਾਬਲੇ-ਤਾਰੀਫ ਐ। ਬਾਕੀ ਇਸ ਗੀਤ ਨੂੰ ਤਿਆਰ ਕਰਨ ਲਈ ਪੂਰੀ ਟੀਮ ਨੇ ਤਨਦੇਹੀ ਨਾਲ ਕੰਮ ਕੀਤਾ ਹੈ ਅਤੇ ਸਾਨੂੰ ਉਮੀਦ ਹੈ ਕਿ ਇਹ ਗੀਤ ਦਰਸ਼ਕਾਂ ਦੇ ਦਿਲਾਂ ਤੇ ਆਪਣਾ ਅਸਰ ਜ਼ਰੂਰ ਛੱਡ ਕੇ ਜਾਵੇਗਾ।