ਕੁੰਡੀ ਮੁੱਛ ਰਿਕਾਰਡ ਪੀਬੀ 31 ਦੀ ਪੇਸ਼ਕਸ਼ ਹੇਠ, ਅੱਜ ਰਿਲੀਜ਼ ਹੋਵੇਗਾ, ਗਾਇਕ ਜੀਤ ਐਸ ਗਿੱਲ ਦਾ ਟਰੈਕ ‘ਓਹ ਪੰਜਾਬ’

ਬਠਿੰਡਾ 6 ਮਈ (ਗੁਰਬਾਜ ਗਿੱਲ) -ਸੰਗੀਤ ਦੀ ਦੁਨੀਆਂ ਵਿੱਚ ਆਪਣੀ ਆਵਾਜ਼ ਤੇ ਅੰਦਾਜ਼ ਨਾਲ ਦਰਸ਼ਕਾਂ ਦੇ ਦਿਲਾਂ ‘ਚ ਆਪਣੀ ਵਿਲੱਖਣ ਪਹਿਚਾਣ ਬਣਾਉਣ ਵਾਲੇ ਗਾਇਕ ਜੀਤ ਐਸ ਗਿੱਲ ਦਾ ਨਵਾਂ ਟਰੈਕ ‘ਓਹ ਪੰਜਾਬ’ ਅੱਜ 7 ਮਈ ਨੂੰ ਦੀਪ ਚੀਮਾ ਪ੍ਰੋਡਕਸ਼ਨ ਵੱਲੋਂ ਕੁੰਡੀ ਮੁੱਛ ਰਿਕਾਰਡ ਪੀਬੀ 31 ਦੀ ਪੇਸ਼ਕਸ਼ ਹੇਠ ਬੜੇ ਪੱਧਰ ‘ਤੇ ਵਰਲਡ ਵਾਈਡ ਰਿਲੀਜ਼ ਕੀਤਾ ਜਾਵੇਗਾ। ਗਾਇਕ ਜੀਤ ਐਸ ਗਿੱਲ ਨੇ ਆਪਣੇ ਇਸ ਨਵੇਂ ਟਰੈਕ ਬਾਰੇ ਜਾਣਕਾਰੀ ਦਿੰਦਿਆ ਦੱਸਿਆ ਕਿ ‘ਮੇਰੇ ੳਤੇ ਦੀਪ ਚੀਮਾ ਦੇ ਲਿਖੇ ਇਸ ਗੀਤ ਦਾ ਮਿਊਜ਼ਿਕ ਡਾ. ਡੀ ਨੇ ਬੜੀ ਰੂਹ ਨਾਲ ਤਿਆਰ ਕੀਤਾ ਹੈ। ਫਤਹਿ ਸ਼ੇਰਗਿੱਲ ਦੇ ਵਿਸ਼ੇਸ਼ ਸਹਿਯੋਗ ਨਾਲ ਤਿਆਰ ਕੀਤੇ ਇਸ ਪ੍ਰੋਜੈਕਟ ਦਾ ਵੀਡੀਓ ਦੀਪ ਚੀਮਾ ਵੱਲੋਂ ਗੀਤ ਦੀ ਡੀਮਾਂਡ ਅਨੁਸਾਰ ਵੱਖ-ਵੱਖ ਖੂਬਸੂਰਤ ਲੋਕੇਸ਼ਨਾਂ ‘ਤੇ ਫਿਲਮਾਂਕਣ ਕਰਕੇ ਤਿਆਰ ਕੀਤਾ ਗਿਆ ਹੈ। ਮਿਸਟਰ ਸੈਨਰੀ ਦੀ ਪੋਸਟਰ ਡੀਜਾਈਨਿੰਗ ਵੀ ਕਾਬਲੇ-ਤਾਰੀਫ ਐ। ਪਹਿਲਾ ਦੇ ਪੰਜਾਬ ਦੀ ਗੱਲ ਕਰਦੇ ਅਤੇ ਪੁਰਾਤਨ ਸਭਿਆਚਾਰ ਨਾਲ ਜੁੜੇ ਇਸ ਗੀਤ ਨੂੰ ਤਿਆਰ ਕਰਨ ਲਈ ਪੂਰੀ ਟੀਮ ਨੇ ਤਨਦੇਹੀ ਨਾਲ ਕੰਮ ਕੀਤਾ ਹੈ ਅਤੇ ਸਾਨੂੰ ਉਮੀਦ ਹੈ ਕਿ ਇਹ ਗੀਤ ਦਰਸ਼ਕਾਂ ਦੇ ਦਿਲਾਂ ਤੇ ਆਪਣਾ ਅਸਰ ਜ਼ਰੂਰ ਛੱਡ ਕੇ ਜਾਵੇਗਾ।