Friday, August 07, 2020
FOLLOW US ON
BREAKING NEWS
ਬੱਚਿਆਂ ਨੂੰ ਡੁੱਬਣ ਤੋਂ ਬਚਾਉਂਦਿਆਂ ਅਮਰੀਕਾ ਵਿੱਚ ਮਨਜੀਤ ਸਿੰਘ ਦੀ ਮੌਤਜੱਗੀ ਜੌਹਲ ਦੀ ਰਿਹਾਈ ਲਈ ਬ੍ਰਿਟਿਸ਼ ਐਮਪੀ ਮਾਰਟਿਨ ਡੌਕਰਟੀ ਨੇ 60 ਐਮਪੀਜ਼ ਦੇ ਸਾਈਨ ਕੀਤੀ ਚਿੱਠੀ ਵਿਦੇਸ਼ ਸਕੱਤਰ ਡੋਮਨਿਕ ਰਾਬ ਨੂੰ ਭੇਜੀਗਿਆਨੀ ਇਕਬਾਲ ਸਿੰਘ ਨੂੰ ਤੁਰੰਤ ਅਕਾਲ ਤਖਤ ਤੇ ਸਦਿਆ ਜਾਏ: ਪਰਮਜੀਤ ਸਿੰਘ ਸਰਨਾ15 ਅਗਸਤ ਨੂੰ ਸਿੱਖ ਕਾਲੇ ਦਿਵਸ ਵਜੋਂ ਮਨਾਉਣ- ਫੈਡਰੇਸ਼ਨ ਆਫ ਸਿੱਖ ਆਰਗਾਨਾਈਜੇਸ਼ਨਜ਼ ਯੂ,ਕੇ ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਫੈਡਰਲ ਏਜੰਸੀਆਂ ਨੂੰ ਵਿਦੇਸ਼ੀ ਕਾਮਿਆਂ ਨਾਲ ਅਮਰੀਕਨਾਂ ਦੀ ਥਾਂ ਲੈਣ ਤੋਂ ਰੋਕਣ ਲਈ ਕਾਰਜਕਾਰੀ ਆਦੇਸ਼ ‘ਤੇ ਦਸਤਖਤ ਕੀਤੇਆਰ ਐਸ ਐਸ ਦੀ ਹਰ ਸੰਭਵ ਕੋਸ਼ਿਸ਼ ਹੋਵੇਗੀ ਕਿ ਸਿੱਖ ਲੱਗਣ ਵਾਲੇ ਕੁੱਝ ਚਿਹਰੇ ਰਾਮ ਮੰਦਰ ਦੇ ਉਦਘਾਟਨੀ ਸਮਾਗਮ ਵਿੱਚ ਹਾਜ਼ਰ ਰਹਿਣ: ਗਜਿੰਦਰ ਸਿੰਘ, ਦਲ ਖਾਲਸਾ

Poem

ਮਰਹੂਮ ਲੇਖਿਕਾ ਗੁਰਪ੍ਰੀਤ ਗੀਤ ਨੂੰ ਸਮਰਪਿਤ/ਜਸਪਾਲ ਕੌਰੇਆਣਾ

July 23, 2020 10:08 PM

ਮਰਹੂਮ ਲੇਖਿਕਾ ਗੁਰਪ੍ਰੀਤ ਗੀਤ ਨੂੰ ਸਮਰਪਿਤ/ਜਸਪਾਲ ਕੌਰੇਆਣਾ

ਇਹ ਕਿਹੋ ਜਿਹੀ ਘੜੀ ਸੀ
ਜੋ ਚੁਰਾ ਕੇ ਲੈ ਗਈ
ਮਹਿਕ ਜਿਹਾ ਗੀਤ,
ਗੀਤ ! ਜਿਸ ਨੇ ਗੂੰਜਨਾਂ ਸੀ ਅਜੇ-
ਹਜਾਰਾਂ ਬੁੱਲ੍ਹੀਆਂ ਦੇ ਉੱਤੇ
ਗੀਤ ! ਜੋ ਪਹੁੰਚਿਆ ਸੀ ਅਜੇ
ਜੋਬਨ ਰੁੱਤ ਦੀ ਸਿਖਰ ਦੇ ਉੱਤੇ
ਭਰ ਜੋਬਨ ਦੀ ਰੁੱਤੇ
ਗਵਾਚ ਗਏ ਜਿਸਦੇ ਬੋਲ,
ਬੋਲ ! ਜੋ ਵਗਦੇ ਪਾਣੀਆਂ ਜਿਹੇ ਸਨ
ਜਿਨ੍ਹਾਂ ਦੀ ਰਵਾਨਗੀ ਚ
ਗੂੰਜਦੀ ਸੀ ਬੰਸਰੀ ਜਿਹੀ ਹੂਕ
ਬੋਲ ! ਜੋ ਇੱਕ ਬਾਤ ਜਿਹੇ ਸਨ
ਬਾਤ ਜੋ ਅਧੂਰੀ ਸੀ ਅਜੇ
ਜਿਸ ਨੇ ਵਧਣਾ ਸੀ ਅਗਾਂਹ
ਸੈਂਕੜੇ ਹੂੰਗਾਰਿਆਂ ਦੇ ਨਾਲ
ਅੰਬਰਾਂ ਤੋਂ ਤਾਰੇ ਨੂੰ ਤੋੜਨ ਵਾਲੀ
ਕੇਹੀ ਘੜੀ ਸੀ ਇਹ,
ਜਿਸ ਨੇ ਖੋਹ ਲਈਆਂ ਅੰਬਰ ਤੋਂ
ਰੌਸ਼ਨੀ ਦੀਆਂ ਰਿਸ਼ਮਾਂ
ਰੌਸ਼ਨੀ ਜਿਸ ਨੇ ਚਮਕਣਾ ਸੀ
ਸਾਰੀ ਕਾਇਨਾਤ ਦੇ ਉੱਤੇ
ਜਿਸ ਨੇ ਕਿੰਨੇ ਹੀ ਦਿਲਾਂ ਦੇ ਹਨੇਰਿਆਂ ਨੂੰ
ਰੁਸ਼ਨਾਉਂਣਾ ਸੀ ਆਪਣੀ ਕਲਾ ਦੇ
ਜਾਦੂਮਈ ਚਾਨਣ ਦੇ ਨਾਲ
ਕਲਾ ਜੋ ਘੜ ਰਹੀ ਸੀ ਆਪਣਾ ਰੂਪ
ਜੋ ਨਿਖਾਰ ਰਹੀ ਸੀ ਆਪਣਾ ਮੁਹਾਂਦਰਾ
ਜੋ ਸੰਵਾਰ ਰਹੀ ਸੀ ਆਪਣੇ ਨਕਸ਼
ਇਹ ਕਿਹੋ ਜਿਹੀ ਘੜੀ ਸੀ
ਜੋ ਕਲਾ ਦੀ ਦੁਨੀਆਂ ਚੋਂ
ਚੁਰਾ ਕੇ ਲੈ ਗਈ ਇੱਕ ਨਾਂਅ
ਨਾਂਅ ਜੋ ਗੀਤ ਜਿਹਾ ਸੀ...।

    ਲੇਖਕ- ਜਸਪਾਲ ਕੌਰੇਆਣਾ
    ਪਰਿੰਦਾ ਰੋਡ, ਗਲੀ ਨੰ:20,
    ਬਠਿੰਡਾ-151001(ਪੰਜਾਬ)
   ਮੋਬਾਇਲ ਨੰ:97808-52097

Have something to say? Post your comment