Thursday, September 24, 2020
FOLLOW US ON

Poem

ਰੱਖੜੀ/ਸੰਦੀਪ ਕੌਰ ਚੀਮਾ

August 02, 2020 06:45 PM

 ਰੱਖੜੀ/ਸੰਦੀਪ ਕੌਰ ਚੀਮਾ 

ਖੁਸ਼ੀਆਂ ਦਾ ਤਿਉਹਾਰ ਹੈ ਰੱਖੜੀ,  

ਭੈਣ ਭਰਾ ਦਾ ਪਿਆਰ ਹੈ ਰੱਖੜੀ।

ਏਕ ਰਿਸ਼ਤਾ ਹੈ ਅਨਮੋਲ ਜਿਹਾ, 

ਫੁੱਲਾਂ ਵਰਗਾ ਹੈ ਕੋਮਲ ਜਿਹਾ ।

ਭਰਿਆ ਨਾਲ ਪਿਆਰ ਦੇ ਜਗ ਤੇ

ਭੈਣ - ਭਰਾ ਦਾ ਏ ਰਿਸ਼ਤਾ, 

ਹੁੰਦਾ ਕਿਸੇ - ਕਿਸੇ ਦੇ ਨਸੀਬਾਂ

ਵਿੱਚ ਏ ਰਿਸ਼ਤਾ।

ਜਿੰਦਗੀ ਦੇ ਬਣੇ ਪਹਿਲੂ ਖੁਸ਼ੀ ਗਮੀ 

'ਚ ਪਾਵੇ ਸਾਂਝ ਏ ਰਿਸ਼ਤਾ, 

ਖੁਸ਼ੀਆਂ ਦੀਆਂ ਖਿਲਕਾਰੀਆਂ ਨਾਲ 

ਦਿਲ ਨੂੰ ਭਾਉਂਦਾ ਏ ਰਿਸ਼ਤਾ ।

ਭੈਣਾਂ ਦਾ ਚਾਂਵਾਂ ਨਾਲ ਭਰਿਆ ਹੈ

ਰੱਖੜੀ ਦਾ ਦਿਨ, 

ਕਰੇ ਖੁਸ਼ੀਆਂ ਨੂੰ ਉਜਾਗਰ ਭੈਣ ਭਰਾ 

ਦੇ ਗੁੱਟ ਤੇ ਰੱਖੜੀ ਬੰਨ੍ਹ ਇਸ ਦਿਨ। 

ਖੁਸ਼ੀਆਂ ਨਾਲ ਖਿੜਿਆ ਘਰ ਦਾ 

ਖੇੜਾ ਲੱਗੇ, 

ਭੈਣ-ਭਰਾ ਦੀ ਨੋਕ- ਚੋਕ 'ਚ ਛੁਪਿਆ 

ਪਿਆਰ ਲੱਗੇ।

ਭਰਾਵਾਂ ਦੇ ਵੀ ਭੈਣਾਂ ਲਈ ਫਰਜ਼ ਬੜੇ ਨੇ, 

ਰੱਖੇ ਮਨ ਵਿੱਚ ਸਾਂਭ ਰੀਝਾਂ ਪੂਰੀਆਂ ਕਰਨ

ਦੇ ਅਰਮਾਨ ਬੜੇ ਨੇ ।

ਭੈਣ ਕਰੇ ਅਰਦਾਸ ਹਰ ਵੇਲੇ ਵੀਰਾਂ ਰਹੇ 

ਤੇਰਾ ਘਰ ਵੱਸਦਾ, 

ਖੁਸ਼ੀਆਂ ਦੇ ਖੇੜੇ ਵਿੱਚ ਰਹੇ ਹਮੇਸ਼ਾ ਤੂੰ ਹੱਸਦਾ।

 

                               ਸੰਦੀਪ ਕੌਰ ਚੀਮਾ 

                                     ਜਲੰਧਰ ।

Have something to say? Post your comment